ءومىر ءسۇرۋ ساپاسى ەڭ جوعارى ەلدەر انىقتالدى

استانا. قازاقپارات - بۇل تىزىمدە اۆستراليا كوش باستاپ تۇر. ەكىنشى ورىندا شۆەتسيا ورنالاسقان. ال رەيتينگتەگى ءۇشىنشى ورىندى نورۆەگيا يەلەندى، دەپ حابارلايدى prian.ru.

 ەكونوميكالىق ىنتىماقتاستىق جانە دامۋ ۇيىمى جاريالاعان «ەڭ جاقسى ءومىر يندەكسىندە» ساراپشىلار حالىقتىڭ ءومىرىن باقىتتى ەتەتىن 11 كريتەريىن ەسەپكە العان:

 تۇرعىنداردىڭ قاۋىپتەردەن قورعانعاندىعىنىڭ دەڭگەي، تابىسى، باسپانامەن قامتاماسىز ەتىلۋى، ءبىلىمنىڭ قولجەتىمدىلىگى، دەنساۋلىق ساقتاۋ جۇيەسىنىڭ احۋالى جانە ت. ب.

 ايتا كەتۋ كەرەك، اۆستراليا بۇل رەيتينگتە قاتارىنان بىرنەشە جىل بويى الدا كەلەدى. ءومىر ءسۇرۋ ساپاسى جوعارى ەلدەر وندىعى: 1. اۆستراليا 2. شۆەتسيا 3. نورۆەگيا 4. شۆەيساريا 5. دانيا 6. كانادا 7. ا ق ش 8. جاڭا زەلانديا 9. يسلانديا 10. فينليانديا.