قازاقستان ليۋكسەمبۋرگتىڭ ءتوراعالىعى كەزەڭىندە ە و- مەن ارىپتەستىك بويىنشا كەلىسسوزدەردى اياقتاۋعا ۇمىتتەنەدى - ن. نازاربايەۆ
دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا ەكى ەلدىڭ ىنتىماقتاستىعىن نىعايتۋ پەرسپەكتيۆالارى، سونداي- اق قازاقستان مەن ەۋروپالىق وداق اراسىنداعى قارىم- قاتىناستاردى ەو- عا ليۋكسەمبۋرگتىڭ الداعى ءتوراعالىعى اياسىندا تەرەڭدەتۋ ماسەلەلەرى قارالدى.
مەملەكەت باسشىسى ءبىزدىڭ ەلىمىز بىلتىر قازاقستان مەن ە و- نىڭ كەڭەيتىلگەن سەرىكتەستىگى مەن ىنتىماقتاستىعى تۋرالى كەلىسىم جوباسى جونىندەگى كەلىسسوزدەردى اياقتاۋ تۋرالى قۇجاتقا قول قويعانىن ەسكە سالدى.
- سىزدەردىڭ ءتوراعالىق ەتكەن كەزەڭدە وسى ۇدەرىستەر اياقتالادى دەپ ۇمىتتەنەمىن. ەلدەرىمىزدىڭ دوستىق قاتىناستارىن ەسكەرە وتىرىپ، ەۋروپالىق وداقپەن ءوزارا ىقپالداستىق كەزىندە ۆيزا رەجيمىن جەڭىلدەتۋدى، اۆياتسيا سالاسىنداعى شەكتەۋلەردى الىپ تاستاۋدى قامتيتىن ءبىرقاتار ماسەلەلەردى شەشۋ ىسىندە ءسىزدىڭ قولداۋىڭىزعا سۇيەنەمىز، - دەدى نۇرسۇلتان نازاربايەۆ.
تاراپتار قازاقستان مەن ليۋكسەمبۋرگ اراسىنداعى ىنتىماقتاستىقتى ءارى قاراي تەرەڭدەتۋدىڭ ماڭىزدىلىعىن اتاپ ءوتتى.
