گ. ءابدىقالىقوۆا مەن ت. ەرمەگيايەۆ ىنتىماقتاستىق تۋرالى مەموراندۋمعا قول قويدى - فوتو
«2017-جىلى استانادا «ەكسپو» كورمەسى وتەدى. بۇل كورمەنىڭ قازاقستان ءۇشىن ماڭىزى وتە جوعارى ءارى زور جەتىستىك. قازىر ەلىمىزدە ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسياعا ايەلدەر قاۋىمداستىعى تاراپىنان ءار ءتۇرلى ۇسىنىستار كەلىپ جاتىر. ەرىكتىلەر، شاعىن جانە ورتا بيزنەس، باسقا دا جەكەلەگەن ازاماتتاردان وسى كورمەنى ۇيىمداستىرۋعا، ونى ارى قاراي جۇرگىزۋگە ات سالىسساق دەگەن وي بار. سوندىقتان بۇگىن ءبىز «استانا ەكسپو-2017» ۇلتتىق كومپانياسىمەن» ارنايى مەموراندۋمعا قول قويۋعا بەل بۋدىق»، - دەدى گ. ءابدىقالىقوۆا.
ءوز كەزەگىندە ت. ەرمەگيايەۆ ەلباسى ن. نازاربايەۆتىڭ قاۋىمداستىقتاردى، كاسىپكەرلەردى «ەكسپو» كورمەسىن ۇيىمداستىرۋ جانە وتكىزۋ شارالارىنا تارتۋ باعىتىندا بەرگەن تاپسىرماسى بار ەكەندىگىن ەسكە سالىپ ءوتتى.
«بارلىق سالادا ايەلدەر جۇمىس ىستەيدى. ءبىز سولاردى «ەكسپو» جۇمىستارىنا تارتپاقپىز»، - دەدى ت. ەرمەگيايەۆ.
