شياڭگاڭدا الىپ زۇمىرەت تاس ءباسساۋداعا تۇسپەك

استانا. قازاقپارات - گونكونگتا ءباسساۋدا تاريحىندا بۇرىن- سوڭدى بولماعان الىپ اسىل تاستى ساۋداعا شىعارماق.

كريستيس اۋكسيون ءۇيىنىڭ مالىمدەۋىنشە، 38 كاراتتى باعالى بۇيىم قۇنى 2 ميلليون دوللاردان كەم بولمايدى.

مامانداردىڭ ايتۋىنشا، كوزدىڭ جاۋىن الار اسىل تاس مۇنتازداي تازا. ال ونىڭ كوك- جاسىل رەڭى - تابيعي ءارى قانىق. زۇمىرەت تاستىڭ قاشان وندىرىلگەنى بەلگىسىز. ءبىراق ونىڭ كولۋمبيا اۋماعىنداعى اند تاۋلارىنان تابىلعانى ءمالىم. ءباسساۋدا ماۋسىمنىڭ 2- كۇنى وتەتىن بولدى.

مەي ليم، Christie's زەرگەرلىك بۇيىمدار ءبولىمىنىڭ مامانى:

- بىلەزىكتەگى اسىل تاستىڭ وزگە زۇمىرەت تاستاردان ايىرماشىلىعى، ءتۇسىن قانىق قىلۋ ءۇشىن ارنايى مايمەن ارلەمەگەن. سول سەبەپتى دە ول ەشقاشان ءتۇسىن جوعالتپاي، قاز- قالپىندا ساقتالادى.

www.24.kz