قازاقستاندا كوكتەمگى اسكەر قاتارىنا شاقىرۋ ناۋقانى اياقتالۋعا جاقىن قالدى
قازىرگى كەزدە الماتى قالاسىنان، الماتى، اقتوبە، اتىراۋ، شىعىس قازاقستان، جامبىل، باتىس قازاقستان، قاراعاندى، ماڭعىستاۋ، پاۆلودار جانە سولتۇستىك قازاقستان وبلىستارىنان اسكەر قاتارىنا شاقىرىلعاندار اسكەري بورىشتارىن وتەيتىن بولىمدەرگە جونەلتىلدى.
24 - مامىرعا دەيىن ەلوردادا، سونداي- اق اقمولا، وڭتۇستىك قازاقستان، پاۆلودار، قوستاناي جانە قىزىلوردا وبلىستارىنىڭ ورتالىقتارىندا اسكەرگە جاڭا شاقىرىلعانداردى سالتاناتتى تۇردە شىعارىپ سالۋ راسىمدەرى وتەدى.
بولاشاق ساربازداردى ۇلى وتان سوعىسىنىڭ ارداگەرلەرى، اۋعان سوعىسىنا قاتىسۋشىلار جانە جاۋىنگەر ينتەرناتسيوناليستەر، جوعارعى جانە ارناۋلى ورتا وقۋ ورىندارىنىڭ ستۋدەنتتەرى، اسكەري- پاتريوتتىق كلۋبتار مەن مەكتەپتەردىڭ تاربيەلەنۋشىلەرى شىعارىپ سالادى.
ەسكە سالا كەتسەك، كوكتەمگى اسكەرگە شاقىرۋ ناۋقانى ساۋىردە باستالدى. مەرزىمدى اسكەري قىزمەتكە شاقىرۋ اياسىندا بارلىعى 15 مىڭ جاس اسكەرگە شاقىرىلاتىن بولادى.
اعىمداعى جىلى قازاقستان رەسپۋبليكاسى قارۋلى كۇشتەرىنىڭ، باسقا اسكەرلەرى مەن قۇرالىمدارىنىڭ قاتارىن 30 مىڭ اسكەرگە شاقىرىلۋشى تولىقتىرادى.
