08:58, 20 - مامىر 2015 | GMT +5
گەرمانيا حالقى سوعىس كەزىندەگى قاۋىپتى قايتا سەزىندى
بريۋسسەل. قازاقپارات - گەرمانيانىڭ گاننوۆەر قالاسىندا ەكىنشى دۇنيەجۇزىلىك سوعىس كەزىندە جارىلماي قالعان بومبا تابىلىپ، قالانىڭ 30 مىڭنان استام تۇرعىنى قاۋىپسىز جەرگە شىعارىلا باستادى.
قالا تۇرعىندارى ۇيلەرىنە تەك، بومدا زالالسىزداندىرىلعاننان كەيىن عانا ورالا الادى.
جەرگىلىكتى ب ا ق- تىڭ حابارلاۋىنشا، 70 جىل جەر استىندا جاتقان سالماعى 250 كەلى بولاتىن بومبانى ەسكى جوعارعى وقۋ ورىنى عيماراتىن ءسۇرۋ كەزىندە تاپقان. ونىڭ تەحنيكالىق جاعدايىن ماماندار ازىرگە باعالاي العان جوق.
گەرمانيادا قۇرىلىس جۇمىستارى كەزىندە سوعىس كەزىنەن قالعان بومبالار ءجيى تابىلادى. تاريحي دەرەكتەر بويىنشا، گاننوۆەر قالاسى وداقتاستاردىڭ نەگىزگى نىساناسى بولىپ، قالاعا سول كەزدە ءجۇز مىڭعا جۋىق بومبا تاستالعان.
