08:45, 20 - مامىر 2015 | GMT +6
ينتەرنەتتە استانا اسپانىنداعى «قوسارلانعان» كەمپىرقوساق تالقىلانۋدا - فوتو
استانا. قازاقپارات - 19 - مامىر كۇنى كەشتە استانا تۇرعىندارى مەن قوناقتارى ەلوردا اسپانىندا پايدا بولعان «قوسارلانعان» كەمپىرقوساقتى تاماشالادى.
نوسەر جاڭبىردان كەيىن تابيعاتتىڭ توسىن قۇبىلىسى ينتەرنەت- پايدالانۋشىلارىنىڭ كوڭىل- كۇيىن كوتەرگەن بولسا كەرەك، جەلىدە بەلسەندى تالقىلاۋ تۋعىزدى.
كەمپىرقوساقتى استانا ۋاقىتىمەن 19:30-دا كورۋگە مۇمكىنشىلىك بولدى. ونىڭ فوتوسۋرەتتەرىمەن «استانا - كىم؟ نە؟ قاشان؟ » توبىنىڭ جازىلۋشىلارى Facebook الەۋمەتتىك جەلىسىندە ءبولىستى.
بىرەۋلەر «قوسارلانعان» كەمپىرقوساقتى كورگەنىن ايتىپ، ءوز سوزدەرىن سۋرەتتەرمەن قۋاتتاۋعا اسىقتى. ءسىرا، تابيعاتتىڭ وسىناۋ توسىن سىيى بىرنەشە كۇنگە جالعاسقان نوسەر جاڭبىردان كەيىن جۇرتشىلىقتىڭ كوڭىل- كۇيلەرىنە شۋاقتى اسەر قالدىرعان سىڭايلى.
