07:51, 20 - مامىر 2015 | GMT +5
تايلاندتىڭ ەكس- پرەمەرىنە قاتىستى سوت باستالدى
استانا. قازاقپارات - تايلاندتىڭ بۇرىنعى پرەمەر- ءمينيسترى يينگلاك چيناۆاتتىڭ ماسەلەسىن جوعارعى سوت قاراپ جاتىر.
بۇعان دەيىن كۇدىكتىنىڭ ۇستىنەن «سىبايلاس جەمقورلىقپەن اينالىسقان» جانە «مەملەكەتتىك ىستەردى اتقارۋ كەزىندە سالعىرتتىق تانىتقان» دەگەن باپتار بويىنشا قىلمىستىق ءىس قوزعالعان بولاتىن.
تەرگەۋدەن كەيىن بەلگىلى بولعانداي، يينگلاك چيناۆاتتىڭ سەلقوستىعىنان ەل قازىناسىنداعى بىرنەشە ميلليارد دوللار ىسىراپ بولعان. ءسويتىپ كۇرىش القاپتارىنا ارنالعان سۋبسيدياعا قاراجات جەتپەي قالعان. ەگەر ەكس- پرەمەردىڭ كىناسى دالەلدەنسە، ول 10 جىلعا باس بوستاندىعىنان ايىرىلۋى مۇمكىن. پرەمەر- مينيستر كونستيتۋتسيالىق سوت شەشىمىنە سايكەس، بيلىكتەن شەتتەتىلگەن بولاتىن.
ينگلاك چيناۆات، تايلاندتىڭ بۇرىنعى پرەمەر- ءمينيسترى:
- سوتتا ماعان قىسىم كورسەتىلگەن جوق. ءوزىمدى ەمىن- ەركىن سەزىندىم. ماسەلەنىڭ ءتۇيىنى زاڭناماعا ساي شەشىلەتىنىنە سەنىمدىمىن.
www.24.kz
