ەلباسىنىڭ ب ا ق سالاسىنداعى اقشالاي سىيلىقتارىنىڭ كولەمى جاريالاندى
بۇل تۋرالى اقوردانىڭ باسپا ءسوز قىزمەتىنەن حابارلايدى.
«قازاقستان رەسپۋبليكاسى پرەزيدەنتىنىڭ باسپاءسوز قىزمەتى مەملەكەت باسشىسىنىڭ 2015 - جىلعى ب ا ق سالاسىنداعى سىيلىقتارى مەن گرانتتارىن الۋ، سونداي- اق العىسىن جاريالاۋ ءۇشىن ۇسىنىمدار قابىلداۋدى جالعاستىرادى.
اقشالاي سىيلىقتاردىڭ كولەمى - 2 ميلليون 200 مىڭ تەڭگە، گرانت كولەمى - 1 ميلليون 764 مىڭ تەڭگە»، - دەپ جازىلعان حابارلامادا.
ەسكە سالا كەتەيىك، قازاقستان رەسپۋبليكاسى پرەزيدەنتىنىڭ باسپاءسوز قىزمەتى مەملەكەت باسشىسىنىڭ 2015 - جىلعى ب ا ق سالاسىنداعى سىيلىقتارى مەن گرانتتارىن، سونداي- اق العىسىن الۋعا ۇمىتكەرلەردەن ۇسىنىمدار قابىلداۋ باستالعانىن حابارلاعان بولاتىن.
سىيلىقتار مەن گرانتتار الۋعا ۇمىتكەرلەردى بۇقارالىق اقپارات قۇرالدارى، شىعارماشىلىق وداقتار، قوعامدىق بىرلەستىكتەر، مەملەكەتتىك ورگاندار ۇسىنا الادى.
العىس جاريالاۋعا شىعارماشىلىق ۇجىمداردى شىعارماشىلىق وداقتار، قوعامدىق بىرلەستىكتەر، مەملەكەتتىك ورگاندار ۇسىنا الادى.
ءاربىر بۇقارالىق اقپارات قۇرالى، شىعارماشىلىق وداق، قوعامدىق بىرلەستىك، مەملەكەتتىك ورگان سىيلىقتار مەن گرانتتار الۋعا ەكى ۇمىتكەر عانا ۇسىنۋعا قۇقىلى.
سىيلىقتار، گرانتتار الۋعا ۇمىتكەرلەردىڭ جانە العىس جاريالاۋعا شىعارماشىلىق ۇجىمداردىڭ ءوزىن- ءوزى ۇسىنۋىنا جول بەرىلمەيدى.
سىيلىقتار نەمەسە گرانتتار الۋعا بۇقارالىق اقپارات قۇرالىنىڭ، شىعارماشىلىق وداقتىڭ، قوعامدىق بىرلەستىكتىڭ، مەملەكەتتىك ورگاننىڭ رەسمي بلانكىسىنە جازىلعان، ءبىرىنشى باسشى نەمەسە ونىڭ ورنىنداعى ادام قول قويعان (ا4 فورماتتاعى كولەمى 2 پاراقتان اسپايتىن) ۇسىنىم جولدانادى. وعان مىناداي قۇجاتتار قوسا ۇسىنىلادى:
- سىيلىقتار نەمەسە گرانتتار الۋعا ۇسىنىلعان ۇمىتكەردىڭ اتى، اكەسىنىڭ اتى، تەگى جانە شىعارماشىلىق بۇركەنشىك ەسىمى (ەگەر بولسا)، سونداي- اق اتقاراتىن لاۋازىمى كورسەتىلگەن نەگىزگى جۇمىس ورنىنان انىقتاما؛
- سىيلىقتار نەمەسە گرانتتار الۋعا ۇسىنىلعان ۇمىتكەردىڭ شىعارماشىلىق قىزمەتىنىڭ قىسقاشا سيپاتتاماسى؛
- جاريالانىمدار ماتىندەرى نەمەسە اۋديو جانە (نەمەسە) بەينەماتەريالدار؛
- نەگىزگى جاريالانىمدارىنىڭ ءتىزىمى جانە (نەمەسە) ولاردىڭ كوشىرمەلەرى.
العىس جاريالاۋعا شىعارماشىلىق وداقتىڭ، قوعامدىق بىرلەستىكتىڭ، مەملەكەتتىك ورگاننىڭ رەسمي بلانكىسىنە جازىلعان ءبىرىنشى باسشى نەمەسە ونىڭ ورنىنداعى ادام قول قويعان بۇقارالىق اقپارات قۇرالىنىڭ قىزمەتى تۋرالى (ا4 فورماتتاعى كولەمى 2 پاراقتان اسپايتىن) ۇسىنىم ۇسىنىلادى؛
كونكۋرسقا ءمان- ماڭىزى جوعارى نەگىزگى جاريالانىمدار نەمەسە اۋديو جانە (نەمەسە) بەينەماتەريالدار ۇسىنىلادى. قاراۋعا 2014 - جىلعى 1 - ماۋسىم مەن 2015 - جىلعى 1 - ماۋسىم ارالىعىندا جاريالانعان جانە (نەمەسە) ەفيرگە شىققان ماتەريالدار قابىلدانادى.
سىيلىقتار، گرانتتار الۋعا جانە العىس جاريالاۋعا ۇسىنىلعان ماتەريالدار مەن قۇجاتتار قايتارىلمايدى.
كىتاپتار ب ا ق سالاسىنداعى ناگرادالار الۋعا ۇسىنىلعان ماتەريال رەتىندە قاراستىرىلمايدى. مەرزىمدى باسىلىمداردا جارىق كورگەن ماقالالار توپتاماسىن ۇسىنۋعا بولادى.
مەملەكەت باسشىسىنىڭ سىيلىقتارىن، گرانتتارىن الۋعا جانە العىسىن جاريالاۋعا ۇسىنىمداردى قوعامدىق كوميسسيانىڭ ءتورايىمى - قازاقستان رەسپۋبليكاسىنىڭ مەملەكەتتىك حاتشىسى گ. ن. ءابدىقالىقوۆانىڭ اتىنا مىنا مەكەنجاي بويىنشا: 010000، استانا، سول جاعالاۋ، «اقوردا» رەزيدەنتسياسىنا 2015 -جىلعى 5 - ماۋسىمعا دەيىن جولداۋ قاجەت.
