قازاقستاندىقتار دجيۋ- دجيتسۋ بويىنشا موناكودا وتكەن حالىقارالىق تۋرنيردە ەكى التىن مەدالعا يە بولدى
NAGA - North American Grappling Association- گرەپپلينگ پەن دجيۋ- دجيتسۋ بويىنشا الەمدەگى ۇلكەن جارىس.
ەرەسەكتەر اراسىندا 79,5 كەلىگە دەيىنگى سالماق دارەجەسىندە قازاقستاننىڭ م م ا فەدەراتسياسىنىڭ بايقاۋشى كەڭەسىنىڭ ءتوراعاسى ايدار ماحمەتوۆ التىننان القا تاقتى.
اتاپ ءوتۋ كەرەك، ا. ماحمەتوۆ 36 جاستا، ال ونىڭ قارسىلاستارى 24-26 جاستا بولعان، دەپ حابارلادى «استانا» پرەزيدەنتتىك كلۋبىنىڭ باسپا ءسوز قىزمەتىنەن.
ا. ماحمەتوۆ ءۇشىن بۇل بيىلعى دجيۋ- دجيتسۋ بويىنشا حالىقارالىق سىنداعى ەكىنشى جەڭىسى. ول «ATOS» برازيليالىق دجيۋ- دجيتسۋ اكادەمياسىندا قانات ءاليننىڭ باسشىلىعىمەن جاتتىعادى.
ارداگەرلەر اراسىنداعى 97,5 ك گ دەيىنگى سالماق دارەجەسىندە 36 جاستاعى ماكسيم گۋروۆ جەڭىمپاز اتاندى. ول بۇرىن «استانا» كومانداسىنىڭ كاسىبي ۆەلوشاباندوزى بولعان.
***
دجيۋ- دجيتسۋ (جاپون. rou shu - 柔術) - جاپوننىڭ قارۋسىز ءوزىن ءوزى قورعانۋ ونەرى. ورتاعاسىرلىق جاپونيادا دجيتسۋ تەرمينىمەن قولدانبالى تەحنيكا اتالعان. دجيۋ- دجيتسۋ ءسوزىنىڭ ءوزى مويىنسۇنۋدى، ياعني «جەڭۋ ءۇشىن مويىنسۇنۋدى» بىلدىرەدى. ءبىر سوزبەن ايتقاندا، بۇل كۇرەس پەن ءوزىن ءوزى قورعاۋدىڭ امبەباپ ونەرى. قازىرگى كەزدە دجيۋ- دجيتسۋ كوپشىلىك جاپون جەكپە- جەك ونەرى سەكىلدى سپورت تۇرىنە اينالدى. دجيۋ- دجيتسۋ حالىقارالىق فەدەراتسياسى، جارىس ەرەجەسى جاسالدى.
قازاقستان دجيۋ- دجيتسۋ ۇلتتىق فەدەراتسياسى (ق د ۇ ف) 1992 -جىلعى 26- اقپاندا قۇرىلىپ، ق ر ادىلەت مينيسترلىگىندە تىركەلدى. جاۋىنگەرلىك ونەردىڭ وسى ءتۇرى بويىنشا قازاقستاننىڭ ءبىرىنشى چەمپيوناتى 1993 -جىلى 15-16- قاراشادا بايقوڭىر قالاسىندا وتكىزىلدى. دجيۋ- دجيتسۋ بويىنشا ق ر قۇراماسى مۇشەلەرى شەتەلدە جەكپە- جەك ونەرى بويىنشا ءوتىپ جاتقان كوپتەگەن چەمپيوناتتار مەن تۋرنيرلەرگە قاتىستى. 1998 - جىلدان 2006 - جىل ارالىعىندا ق ر- نىڭ 18 شەبەرى، 3 حالىقارالىق دەڭگەيدەگى سپورت شەبەرى دايىندالدى.
دجيۋ- دجيتسۋ، شىعىس حالىقتارىنىڭ جەكپە- جەك سپورت تۇرلەرىنىڭ نەگىزىن قالاعان جاپوندىقتاردىڭ ءداستۇرلى، ۇلتتىق كۇرەسى. د. -دجيتسۋدىڭ ەرەكشەلىگى شابۋىل جاساعان قارسىلاسىنا دۇلەي قارا كۇشتى قولدانباي، ونىڭ شابۋىلشىنىڭ باعىتىن وزگەرتۋگە، تەپە- تەڭدىك قالپىنان ايىرۋعا سودان كەيىن بارىپ ءادىس قولدانۋعا نەمەسە سوعۋعا بولاتىندىعىندا. دجيۋ- دجيتسۋ مەن اينالىسۋشى ادامنىڭ پسيحيكاسىن اناتوميانىڭ بيو فيزيكانى جاقسى بىلۋگە ءتيىس.
