ليتۆا ۇكىمەتىنىڭ باسشىسى: قازاقستان - بۇل ورتالىق ازياداعى ماڭىزدى سەرىكتەسىمىز

استانا. قازاقپارات - بۇگىن ق ر پرەمەر-ءمينيسترى كارىم ءماسىموۆ پەن ليتۆا رەسپۋبليكاسىنىڭ پرەمەر-ءمينيسترى الگيرداس بۋتكيەۆيچيۋس كەڭەيتىلگەن قۇرامداعى كەلىسسوزدەر وتكىزدى.تاراپتار ەكى ەلدەر اراسىنداعى ىنتىماقتاستىقتى، سونىمەن بىرگە كۇن تارتىبىندەگى وزەكتى ماسەلەلەردى تالقىلادى.

«ءسىزدىڭ جانە دەلەگاتسيالارىڭىزدىڭ بۇل ساپارى ءبىزدىڭ ەلدەرىمىز بەن حالقىمىز اراسىنداعى ءوزارا بايلانىستاردى كەڭەيتىپ، تەرەڭدەتە تۇسۋگە زور مۇمكىندىك بەرەتىندىگىنە سەنىمىم مول»، - دەدى قازاقستان ۇكىمەتىنىڭ باسشىسى ليتۆالىق ارىپتەسىنە قاراتا.

ءوز كەزەگىندە الگيرداس بۋتكيەۆيچيۋس قازاقستاندى ليتۆانىڭ ماڭىزدى سەرىكتەسى رەتىندە سانايتىندىعىن ەرەكشە اپات ءوتتى.

«قازاقستان - بۇل ورتالىق ازياداعى ماڭىزدى سەرىكتەسىمىز. بىزدەردى وتە جاقسى ساياسي، ەكونوميكالىق جانە مادەني بايلانىستار بايلانىستىرۋدا. ءبىز ەكىجاقتى فورماتتا جاقسى اڭگىمە وتكىزدىك. مەن بۇگىن سىزدەن استانادا كەزدەسكەنىمە قۋانىشتىمىن. ەلدەرىڭىزگە شاقىرعاندارىڭىز ءۇشىن ريزاشىلىعىم شەكسىز»، - دەدى ليتۆا ۇكىمەتىنىڭ باسشىسى.

سونىمەن قاتار ول قازاقستان حالقىن قازاق حاندىعىنىڭ جىلدىق مەرەيتويىمەن دە قۇتتىقتاپ ءوتتى.

«وسى ءساتتى پايدالانا وتىرىپ، بارشا قازاقستان حالقىن ءبىرقاتار ماڭىزدى مەرەكەلەرىمەن قۇتتىقتايمىن. ولار: ق ر كونستيۋتسياسىنىڭ 20 جىلدىعى، قازاقستان حالقى اسسامبلەياسىنىڭ 20 جىلدىعى جانە قازاق حاندىعىنىڭ 550 جىلدىق مەرەيتويى. مەنىڭ شىنايى قۇتتىقتاۋىم مەن ءسىزدىڭ ەلىڭىزگە دەگەن جىلى لەبىزىمدى قابىل الىڭىز. مەن وسىعان دەيىن بىزدەر تالقىلاعان اۋقىمدى جوبالاردىڭ جۇزەگە اسىرىلۋىنا تىلەكتەسپىن»، - دەپ قوستى الگيرداس بۋتكيەۆيچيۋس.

ايتا كەتەرلىگى، كەڭەيتىلگەن قۇرامداعى كەلىسسوزدەردىڭ قورىتىندىسىندا قازاقستان مەن ليتۆا ۇكىمەتتەرى اراسىندا ءبىرقاتار قۇجاتتارعا قول قويىلماق.

اۆتور: مارلان جيەمباي