ۇيالى تەلەفونىڭىز سۋعا ءتۇسىپ كەتسە نە ىستەۋ كەرەك؟

استانا. قازاقپارات - ءارقايسىمىز ومىرىمىزدە ءبىر رەت بولسا دا ۇيالى تەلەفونىمىزدى سۋعا ءتۇسىرىپ الدىق نەمەسە وسىنداي جاعدايدىڭ كۋاسى بولدىق.

مۇندايدا نە ىستەۋ كەرەك ەكەنىن بىلەسىز بە؟ بىلمەسەڭىز ءبىزدىڭ كەڭەسكە قۇلاق ءتۇرىڭىز.

نە ىستەۋگە بولمايدى؟

1. تەلەفوندى سىلكۋگە بولمايدى. بۇل ونى تولىعىمەن ىستەن شىعارۋى مۇمكىن: سۋ ميكرو سحەماعا دەيىن جەتىپ، ىشىندەگى مايدا ەلەمەنتتەرگە كەرى اسەرىن تيگىزەدى.

2. تەلەفوندى ميكرو تولقىندى پەشتىڭ، فەننىڭ نەمەسە باسقا قىزۋ قۇرىلعىلاردىڭ كومەگىمەن قۇرعاتپاڭىز. ولار تەلەفون ىشىندەگى سىمداردى كۇيدىرىپ جىبەرۋى مۇمكىن.

نە ىستەۋگە بولادى؟

1. بىرىنشىدەن تەلەفونداعى قۋات كوزىن الىپ تاستاپ، س ي م كارتانى ۇياشىعىنان شىعارىپ الىڭىز. س ي م- كارتانى نەعۇرلىم تەز شىعارساڭىز، سوعۇرلىم اقپاراتتىڭ ساقتالۋ ىقتيمالدىلىعى دا جوعارى بولادى.

2. تەلەفوندى ۇرلەپ، ونى ورامالمەن قۇرعاتىپ ءسۇرتىپ العان ءجون.

3. تەلەفوندى بىرنەشە ساعاتقا كۇرىشى بار تارەلكەگە قويىڭىز. كۇرىش تەلەفونداعى قالعان ىلعالدى وزىنە ءسىڭىرىپ الادى.

4. تەلەفوندى كۇرىشى بار تارەلكەدەن الىپ، ونىڭ بەتىن قۇرعاق شۇبەرەكپەن ءسۇرتىپ، س ي م- كارتا مەن باتارەيانى ورنىنا قويىڭىز. ءسىزدىڭ تەلەفونىڭىز ىسكە قوسىلۋى كەرەك.

5. ەگەر ءسىزدىڭ تەلەفونىڭىز باتپاققا نەمەسە ۋنيتازعا ءتۇسىپ كەتسە، ونى انتيباكتەريالدى نەمەسە ءسپيرتتى مايلىقپەن ءسۇرتىڭىز.

baq.kz