اراب ۆاليۋتالىق قورىنىڭ ديرەكتورلار كەڭەسىنىڭ ءتوراعاسى الماتىعا كەلەدى
ا ۆ ق باسشىسى اعىمداعى جىلدىڭ 19-21- مامىرىندا الماتىدا وتەتىن يسلامدىق قارجى قىزمەتى بويىنشا كەڭەس سامميتىنە (IFSB) قاتىسادى.
اراب ۆاليۋتالىق قورى (Arab Monetary Fund, AMF) - 1976-جىلى 27- ساۋىردە قۇرىلعان ايماقتىق قارجى ۇيىمى. شتاب-پاتەرى ءابۋ-دابيدە ورنالاسقان. وعان اراب مەملەكەتتەرى ليگاسىنىڭ 20 مەملەكەتى كىرەدى.
قور مۇشەلەرى: الجير، باحرەين، دجيبۋتي، مىسىر، يوردانيا، يراك، يەمەن، كاتار، كومور ارالدارى، كۋۆەيت، ليۆان، ليۆيا، ماۆريتانيا، ماروككو، ب ا ءا، ومان، پالەستينا، ساۋد ارابياسى، سيريا، سومالي، سۋدان، تۋنيس.
اڭگىمە بارىسىندا قازاقستاندىق ديپلومات يسلامدىق قارجىلاندىرۋ قازاقستانعا 1997-جىلى تامىز ايىندا كەلگەنىن ايتتى. بۇل كەزدە يسلام دامۋ بانكى الماتىدا ءوزىنىڭ ايماقتىق كەڭسەسىن اشقان.
قازاقستان - يسلامدىق قارجىلاندىرۋدى ەنگىزۋ بويىنشا زاڭناما دارەجەسىندە شارالار قابىلداعان ت م د جانە ورتالىق ازياداعى العاشقى مەملەكەت. العاشقى يسلام بانكى - «ءال- حيليال» («جارتى اي») ق ر ۇكىمەتى مەن ب ا ءا ۇكىمەتى اراسىنداعى كەلىسىم نەگىزىندە 2007-جىلى قۇرىلعان. بانكتىڭ ەكى فيليالى بار.
ولار - استانا مەن شىمكەنتتە، باس كەڭسەسى - الماتى قالاسىندا. بانكتىڭ قازاقستانداعى كاپيتاليزاتسياسى 500 ميلليون ا ق ش دوللارىن قۇرايدى، ول الداعى ۋاقىتتا ۇلعايماق. وسى كەزگە دەيىن شامامەن 20 كاسىپورىن قارجىلاندىرىلدى. بانكتىڭ نەگىزگى كليەنتتەرى ق ر ەكونوميكاسىنىڭ كەلەسى سالالارى بولىپ تابىلادى: كوتەرمە ساۋدا، بايلانىس قىزمەتى، كولىك قىزمەتى، قارجىلىق دەلدالدىق، قۇرىلىس، تاماق جانە اۋىل شارۋاشىلىعى جانە ت. س. س. سالالارى.
ق. لاما ءشارىپ ق ر پرەزيدەنتى ن. ءا. نازاربايەۆتى «يسلامدىق قارجى بويىنشا جاھاندىق كوشباسشى» حالىقارالىق سىيلىعىمەن ماراپاتتاۋ قازاقستاننىڭ يسلام الەمىندەگى ۇلەسىن مويىنداۋدى بىلدىرەتىنىن اتاپ ءوتتى. ماراپاتتاۋ ءراسىمى دۋبايدا 2014-جىلى قازان ايىندا 10- بۇكىل الەمدىك يسلام ەكونوميكالىق فورۋمىنىڭ اشىلۋىندا بولعان ەدى.
