ەلوردا مەكتەپتەرىندە «ەلەكتروندى اسحانا» جوباسى جۇزەگە اسىرىلا باستايدى
بۇل تۋرالى بۇگىن ق ر پرەزيدەنتى جانىنداعى و ك ق- دە وتكەن بريفينگتە «استانا INNOVATIONS» ا ق باسقارماسىنىڭ ءتوراعاسى ءالتايىر ۋىزبايەۆ ءمالىم ەتتى.
«اعىمداعى جىلى ءبىز «ەلەكتروندى اسحانا» جوباسىن ىسكە قوسۋعا نيەتتەنىپ وتىرمىز. جالپى، وقۋشى مەكتەپكە كەلگەندە قالتاسىنا اقشا سالىپ جۇرمەۋى ءتيىس. ياعني، قالتاسىندا اقشاسى بولماسا دا ول اسحاناعا كەلگەن كەزدە «smart ب ر و» اياسىندا شىعارىلعان كارتامەن قالاعان تاماعىنا تولەم جاساۋى قاجەت»، - دەدى ءا. ۋىزبايەۆ.
ونىڭ اتاپ وتۋىنشە، اتالعان كارتوچكانىڭ ارقاسىندا اتا-انالار بالاسىنىڭ كۇندەلىكتى تۇتىناتىن تاماعىنا قاداعالاۋ جاساي الاتىن بولادى.
«ياعني، ەگەر اتا-اناسى بالاسىنا جەۋگە بولمايتىن تاعام اتاۋىن كارتوچكاعا ەنگىزەتىن بولسا، وندا سول بالاعا اتالعان تاعام ساتىلمايدى. ايتا كەتەرلىگى، بۇل جوبامەن تەك وقۋ ورىندارىن عانا ەمەس، سونىمەن بىرگە الەۋمەتتىك نىسانداردى دا قامتۋعا بولادى»، - دەدى ول.
اۆتور: مارلان جيەمباي
