15:13, 18 - مامىر 2015 | GMT +5
استانانىڭ بارلىق قوعامدىق تاماقتانۋ مەكەمەلەرى تەكسەرىلەدى
استانا. قازاقپارات - بۇگىن استانا قالاسىنىڭ اكىمى ادىلبەك جاقسىبەكوۆتىڭ باسشىلىعىمەن وتكەن كەزەكتى اپپاراتتىق جيىندا دەمالىس كۇندەرى تولاسسىز جاۋعان نوسەر سالدارىن جويۋ ماسەلەلەرى مەن ەلورداداعى سانيتارلىق- ەپيدەميولوگيالىق جاعداي تالقىلاندى.
قالا باسشىسى ەلوردانىڭ سانيتارلى- ەپيدەميولوگيالىق جاعدايىنا توقتالا كەلىپ، تۇرعىنداردىڭ جاپپاي ۋلانۋى قوعامدىق تاماقتانۋ ورىندارىنداعى ءتيىستى سانيتارلىق نورمالاردىڭ، ازىق- تۇلىكتى ساقتاۋ ەرەجەلەرىنىڭ ساقتالماۋىنان ەكەندىگىن اتاپ ءوتتى.
«ازىق- تۇلىكتى دۇرىس ساقتاماۋ، انتيسانيتارلىق جاعداي، تاماق ونەركاسىبى سالاسى قىزمەتكەرلەرىنىڭ كاسىبي دەڭگەيىنىڭ تومەندىگى، باقىلاۋدىڭ جوقتىعى - مۇنىڭ بارلىعى قالاداعى تۇيتكىلدى ماسەلەگە اينالىپ وتىر. ءدامحانالار مەن اسحانالاردىڭ جۇمىسى باقىلانبايدى. بۇل ماسەلەلەردى شەشۋ ءۇشىن قالانىڭ بارلىق قۇزىرەتتى قىزمەتتەرى جۇمىلدىرىلىپ، ارنايى رەيد وتكىزىپ، باقىلاۋدى كۇشەيتۋ قاجەت. 10 - ماۋسىمعا دەيىن استانانىڭ بارلىق قوعامدىق تاماقتانۋ مەكەمەلەرىندە ءتيىستى تەكسەرىس جۇمىستارىن وتكىزۋدى بۇيىرامىن» ، - دەدى اكىم.
