گ. گولوۆكين مونرومەن بولعان جەكپە- جەگىن درامالىق شوۋ دەپ اتادى

 استانا. قازاقپارات - گەننادي گولوۆكين بۇگىن كاليفورنيادا كىشى ۆيللي مونروعا قارسى ايقاستا قول جەتكىزگەن قۋانىشىمەن ءبولىستى.

  بۇل جەكپە- جەكتە ول قارسىلاسىن التىنشى راۋندتىڭ اياقتالۋىنا دەيىن 45 سەكۋند قالعاندا جەڭدى، دەپ حابارلايدى Sports.kz.

«مەن ءوزىمدى جاقسى سەزىنىپ وتىرمىن. ۇيىمە، كومانداما، قارسىلاسىما، لوس- اندجەلەسكە راحمەت ايتامىن. بۇل جاقسى درامالىق شوۋ بولدى. باسىندا وعان ءنومىر ءبىرىنشى كىم ەكەنىن تانىتتىم، ويتكەنى بۇل مەنىڭ ءۇيىم عوي. ەكىنشىدەن، مەن وعان مۇمكىندىك بەردىم. مەن جەكپە- جەكتى قاداعالاپ ءجۇردىم، بۇل مەنىڭ جانكۇيەرلەرىمە جاساعان ۇلكەن سىيلىعىم. وزىمە سەنىمدى بولىپ، شوۋ كورسەتكىم كەلەدى. ۆيلليعا ۇلكەن راحمەت - ول وتە جاقسى بوكسشى» ، - دەدى گولوۆكين جەكپە- جەك اياقتالعان سوڭ بەرگەن سۇحباتىندا.