چەرچيللدىڭ ءۇيى جالعا بەرىلمەك
جىلجىمايتىن مۇلىك نارىعىنا ەڭ ادەمى جانە رومانتيكالىق، ءبىراقتا توزىڭقىراعان تۇرعىن ءۇي شىعارىلدى. Grade II تىزىمىندەگى تاريحي عيماراتتى جاڭعىرتۋ ءۇشىن 4 ميلليون ەۋرو قاجەت.
بۇل قونىس جىل سايىن 650 مىڭ تۋريست كەلەتىن كورنەكتى ورىندا تۇرۋعا ءازىر ەرەكشە قوجايىندى ىزدەيدى، دەپ حابارلادى Daily Mail.
عيمارات شارت بويىنشا 20 جىلعا ايىنا 33600 ەۋروعا باعالانىپ، جالعا بەرىلمەك. دجەنني چەرچيلل كەزىندە ول «انگلياداعى ەڭ تاماشا جەردە تۇر»، دەگەن بولاتىن. ول بلەنەم سارايىنا 1874-جىلى كەلدى. ونىڭ ۇلى ۋينستون وسىندا بىرنەشە ايدان كەيىن دۇنيە ەسىگىن اشتى.
XVIII عاسىردىڭ باسىندا سالىنعان ءۇش قاباتتى عيماراتتا كوپتەگەن بىرەگەي ەرەكشەلىكتەرى ساقتالعان. ونى تولىق جاڭعىرتقاننان كەيىن مۇندا سەگىز جاتىن بولمەسى جانە جۋىنۋ بولمەلەرى، ەكى قوناقجاي، دەمالىس بولمەسى جانە كىتاپحانا بولادى. بولاشاق قوجايىن مۇندا باسسەين جاساپ، ويىن-ساۋىق كەشەنىن نەمەسە ءتىپتى تەننيس كورتىن جابدىقتاۋىنا بولادى.
