قازاقستان العاش رەت ۆولەيبولدان الەمدىك ليگانى قابىلدايدى
سپورت ۆەدومستۆوسىندا اتاپ وتكەندەي، الەمدىك ليگا ءداستۇرلى تۇردە مامىر ايىنىڭ سوڭىندا - ماۋسىمنىڭ باسىندا وتەدى جانە ۇلتتىق قۇرامالاردىڭ ماۋسىمداعى العاشقى رەسمي تۋرى بولىپ تابىلادى. قازاقستاننىڭ گران-پري ۇيىمداستىرۋدا ۇلكەن تاجىڭريبەسى بار، دەگەنمەن الەمدىك ليگانى العاشقى رەت قابىلداپ، وعان قاتىسقالى وتىر.
الەمدىك ليگانىڭ ىرىكتەۋ كەزەڭىنىڭ ءبىرىنشى تۋرى 12-14- ماۋسىم كۇندەرى، تارازدا «تاراز-ارەنا» سپورت سارايىندا وتەدى. ال ەكىنشى كەزەڭ - 19-21- ماۋسىمدا ەگيپەتتە، ال ءۇشىنشى فينالدىق كەزەڭ 3-5- شىلدە كۇندەرى سلوۆاكيادا تۇيىندەلمەك.
2015-جىلعى تۋرنيردىڭ فورماتى مەن قاتىسۋشىلار قۇرام 2013-جىلى جەلتوقساندا لوزاننادا الەمدىك ليگا كەڭەسىندە بەكىتىلگەن بولاتىن.
جىل وتكەن سايىن وعان قاتىسۋشى- ەلدەر سانى ارتۋمەن بىرگە، بۇل ەلدەردە ۆولەيبول سپورتى دا قارقىندى دامىپ كەلەدى. بيىلعى جىلى الەمدىك ليگادا 32 كوماندا (2014جىلى - 28) - ءبىرىنشى ديۆيزيوندا 8، ال ەكىنشى جانە ءۇشىنشى ديۆيزيونداردا 12 كوماندادان قاتىسادى.
تارازعا حالىقارالىق تورەشىلەر، حالىقارالىق ۆولەيبول فەدەراتسياسىنىڭ جانە شەتەلدىك ب ا ق وكىلدەرى كەلەدى.
