22:35, 15 - مامىر 2015 | GMT +5
اۋعانستان پرەزيدەنتى ن. نازاربايەۆقا قازاقستان ازاماتىنىڭ لاڭكەستەر قولىنان قازاعا ۇشىراۋىنا بايلانىستى كوڭىل ايتتى
استانا. قازاقپارات - اۋعانستان يسلام رەسپۋبليكاسىنىڭ پرەزيدەنتى موحامماد اشراف گاني اۋعانستانداعى قازاقستان ەلشىسى ءومىرتاي بىتىموۆپەن تەلەفون ارقىلى سويلەسۋ بارىسىندا ق ر پرەزيدەنتى نۇرسۇلتان ازاربايەۆقا، قازاقستان حالقىنا، سونداي- اق 2015-جىلعى 13- مامىردا كابۋلداعى قوناق ءۇي كەشەنىنە قارۋلى شابۋىل سالدارىنان قازا تاپقان ق ر ازاماتى ايگەرىم ابدۋلايەۆانىڭ وتباسى مەن تۋىستارىنا كوڭىل ايتتى، دەپ حابارلادى ق ر س ءى م باسپا ءسوز قىزمەتى.
اۋعانستان كوشباسشىسى قازاقستان ازاماتىنىڭ قازاعا ۇشىراۋى تۋرالى قايعىلى حاباردى تەرەڭ كۇيزەلىسپەن قابىلداعانىن مالىمدەدى جانە يسلام رەسپۋبليكاسىنىڭ باسشىلىعى ەلدە لاڭكەستىكتىڭ تامىرىنا بالتا شابۋ ءۇشىن بارلىق شارالاردى قولعا الاتىنىن اتاپ كورسەتتى.
سونداي-اق اۋعان تاراپىنىڭ «اۋعانستاننىڭ ۇلكەن جانە جاقسى دوسى» بولىپ وتىرعان قازاقستانمەن كوپجاقتى ىنتىماقتاستىقتى ودان ءارى دامىتۋعا مۇددەلى ەكەنى ەرەكشە اتاپ ءوتىلدى.
