ەڭ سۇرەڭسىز جەكپە-جەك
راسىندا دا، گاتتي ءوز ءداۋىرىنىڭ تەڭدەسسىز بوكسشىلارىنىڭ ءبىرى بولدى. ونىڭ ءجۇرىپ وتكەن جولى دا قىزىق پەن شىجىققا تولى. ارتۋرو يتاليادا تۋعانىمەن، كانادانىڭ تۋى استىندا ونەر كورسەتتى.
1991-جىلدان بەرى كاسىپقوي رينگتە جۇدىرىقتاسا باستاعان ول بىردەن كورەرمەندەردىڭ كوزايىمىنا اينالدى. ونىڭ ىمىراسىز جەكپە-جەكتەرى جانكۇيەرلەر كوڭىلىنەن شىقتى. جارتىلاي ورتا سالماقتا ايقاسقان گاتتي بەلدى نۇسقالار بويىنشا چەمپيوندىق اتاققا قول جەتكىزىپ، ءتورت رەت «جىلدىڭ ەڭ ۇزدىك باسەكەسى» نوميناتسياسى بويىنشا جەڭىمپاز اتاندى.
بارلىعى 49 رەت شارشى الاڭعا شىققان ول 40 رەت باسىمدىق تانىتىپ، 31 قارسىلاسىن ەسىنەن تاندىردى. 2009-جىلى برازيلياداعى پورتۋ-دە-گالينياس كۋرورتىنداعى قوناق ۇيلەردىڭ بىرىندە اتاقتى بوكسشىنىڭ ءولى دەنەسى تابىلدى. ونىڭ نەدەن ولگەنى ءالى دە انىقتالعان جوق. ارتۋرو نەبارى 37 جاستا ەدى...
НВО ارناسى جوعارىدا ايتىلعان جوبانى قولعا العان بەتتە بىردەن سپورت سۇيەر قاۋىمنىڭ العىسىنا بولەندى. ويتكەنى، جانكۇيەرلەر گاتتيدى قاتتى قۇرمەتتەيتىن. كوپ ۇزاماي، ايتۋلى تەلەارنا تاعى ءبىر تىڭ يدەيانى جاريا ەتتى. ەندى ولار ەڭ سۇرەڭسىز جەكپە-جەكتەر وتكىزەتىن بوكسشىلاردىڭ ءتىزىمىن جاريا ەتە باستادى.
ەكى-ءۇش ايدا ءبىر مارتە جاڭارتىلىپ تۇراتىن رەيتينگكە بۇل جولى فلويد مەيۆەزەر، ۆلاديمير كليچكو، گيلەرمو ريگوندو، ميگەل ۆاسكەس جانە ەريسلاندي لارا سىندى بىلعارى قولعاپ شەبەرلەرى ەندى.
عالىم سۇلەيمەن
«ايقىن»
