تۇركى جازۋى كۇنى اتالىپ ءوتىلدى
بۇل تۋرالى اكادەميانىڭ باسپا ءسوز قىزمەتىنەن حابارلاندى.
قازاقستان رەسپۋبليكاسى پارلامەنتى ءماجىلىسىنىڭ باستاماسىمەن بەكىتىلىپ، تۇركى كەڭەسىنىڭ بودرۋم سامميتىندە مەملەكەت باسشىلارى ماقۇلداعان تۇركى جازۋى كۇنى بىلتىر حالىقارالىق تۇركى اكادەمياسى تاراپىنان العاش رەت اتالىپ وتىلگەنى بەلگىلى.
بيىل اۋقىمىن كەڭەيتىپ، ەلىمىزدىڭ ءبىرقاتار وڭىرلەرىندە مەرەكەلەنە باستاعان بۇل اتاۋلى كۇندى وزگە دە ءتۇبى ءبىر تۇركى حالىقتارى جىل سايىن ءداستۇرلى تۇردە اتاپ وتۋگە قولداۋ ءبىلدىرىپ وتىر. وسىعان وراي اكادەميادا وتكەن جيىنعا بەلگىلى عالىمدار مەن قوعام قايراتكەرلەرى مىرزاتاي جولداسبەكوۆ، ءادىل احمەتوۆ، سەيىت قاسقاباسوۆ، قۋانىش سۇلتانوۆ، زەينوللا ساماشيەۆ جانە تاعى باسقا تانىمال تۇلعالار قاتىسىپ، تۇركى جازۋى كۇنىن اتاپ وتۋگە بايلانىستى ءوز ويلارىن ورتاعا سالدى.
جيىن سوڭىندا ق ر پارلامەنتى ءماجىلىسىنىڭ دەپۋتاتى، كورنەكتى مەملەكەت جانە قوعام قايراتكەرى قۋانىش سۇلتانوۆ تۇركى الەمىنە سىڭىرگەن ەڭبەگى ءۇشىن حالىقارالىق تۇركى اكادەمياسىنىڭ قۇرمەت گراموتاسىمەن ماراپاتتالدى.
سونداي- اق، حالىقارالىق تۇركى اكادەمياسىنىڭ قازاقستان پرەزيدەنتى نۇرسۇلتان نازاربايەۆتىڭ تىكەلەي باستاماسىمەن قۇرىلعانىنا وسى ايدا 5 جىل تولىپ وتىرعانى دا اتالىپ ءوتتى.
اۆتور: قانات مامەتقازى ۇلى
