فوتو رەپورتاج: اسكەريلەردىڭ سپاسك پوليگونىنداعى روتالىق- تاكتيكالىق وقۋ- جاتتىعۋى
وقۋ- جاتتىعۋعا «استانا» وڭىرلىك قولباسشىلىعىنىڭ قۇرالىمدارى مەن بولىمدەرىنەن 30 دان اسا وفيتسەر جانە سەرجانت قاتىستى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
پوليگوندا 12 وقۋ- جاتتىعۋ ورنى ورىستەتىلىپ، اربىرىنە جاۋىنگەرلىك جانە تەحنيكالىق مۇلىكتەردىڭ ۇلگىلەرى قويىلدى. بۇل ۇيرەنۋشىلەرگە تاقىرىپتى كورنەكى تۇردە بايقاۋعا، ال جەتەكشىلەرگە ونى ءتيىمدى تۇردە جەتكىزۋگە مۇمكىندىك بەردى.
وسى ورايدا روتا، ۆزۆود كومانديرلەرى روتالىق- تاكتيكالىق وقۋ- جاتتىعۋدىڭ ءتۇرلى كەزەڭدەرىندە وزدەرىنىڭ قىزمەتتىك مىندەتتەرى تۋرالى نۇسقاۋلىقتى تىڭداپ، جاۋىنگەرلىك ءىس- قيمىلدىڭ تاسىلدەرى، جەكە قۇراممەن جۇمىس جاساۋدىڭ جاڭا ادىستەرى مەن قىزمەتتىك مىندەتتەردى ەنگىزۋ تۋرالى اقپاراتتار الدى.
«ءبىز جيىن بارىسىندا ءوزارا ءىس- قيمىلدى ۇيىمداستىرۋ، جەكە قۇرامدى دايارلاۋ، اسكەري تەحنيكا مەن قارۋ- جاراق ماسەلەسىن پىسىقتاۋعا ءجىتى كوڭىل بولدىك. جاۋىنگەرلىك وكىمدى العان ساتتەن باستاپ كىشى وفيتسەرلىك بۋىن كومانديرلەرى ءىس- قيمىل الگوريتمىن دۇرىس ءتۇسىنىپ، ءار باعىنىستىنىڭ ءرولىن ءبىلۋى كەرەك»، - دەدى 31775 اسكەري ءبولىمىنىڭ كومانديرى نۇرلان وسمونوۆ.
اتاپ ايتساق، روتالىق- تاكتيكالىق وقۋ- جاتتىعۋىن وتكىزۋ جاس وفيتسەرلەردىڭ اعا بۋىنمەن تاجىريبە الماسۋىنا مۇمكىندىك بەرىپ، تەوريالىق بىلىمدەرىن نىعايتۋعا، سونداي- اق قىزمەتتىك مىندەتتەرىن ساپالى ورىنداۋ ءۇشىن ءتيىمدى اقپارات الۋعا ىقپال ەتتى.
