قازاقستاندا جۇرگەن جۇك كولىكتەرىن جاساۋشى قىتاي كومپانياسىنىڭ بەدەلى ءتۇستى
اتالعان كومپانيانىڭ ەنشىلەس كاسىپورىندارىنىڭ ءبىرى Cims-Shac (Xian) Spesial Vehicles Co. Ltd. كومپانياسىن شياننىڭ «دە جەن» كولىك بىرلەستىگى سوتقا بەردى. ونىڭ جۇك كولىكتەرىن شىعارۋشىلارعا قاتىستى باستى نارازىلىعى - جاساندى، تومەن سۇرىپتى ءونىمى، سونىڭ ىشىندە كولىكتىك قۇرالداردىڭ مالىمدەلگەن تەحنيكالىق سيپاتتامالارعا، سونداي- اق ساپا جانە قاۋىپسىزدىك ستاندارتتارىنا (ءجيى بۇزىلىپ قالۋ، قۇرىلىمدىق جەتىسپەۋشىلىگى، ساپاسىز جينالۋى مەن دانەكەرلەنۋى) سايكەس كەلمەۋى بولعان.
شانشي پروۆينتسياسىنداعى ونىمدەر ساپاسىنا باقىلاۋ جاساۋ باسقارماسى بۇل فاكتىنى رەسمي موينىداپ، ءتيىستى قاۋلى شىعاردى، كومپانيانىڭ ءوزى بولسا، مەملەكەتكە (سوتقا شاعىمدانۋسىز) ايىپپۇل تولەگەن. Shaanxi Automobile Group اۆتوترەيلەرلەرىنىڭ تەحنيكالىق اقاۋلارى ادام ءومىرىن قيعان ءبىرقاتار جول- كولىك اپاتتارىنا اكەلىپ سوقتىردى.
سوت پروتسەسى جۇرتشىلىق اراسىندا كەڭىنەن تالقىلاندى - ول بويىنشا جاڭالىق ماتەريالدارىن بەدەلدى «تيانجيڭ» قارجى- ەكونوميكالىق جۋرنالى، گونكونگتىڭ (شياڭگاڭ) «فەليكس» تەلەارناسى جانە سيان باسىلىمدارى دايىنداعان.
«سوندىقتان، ءبىز Shaanxi Automobile Group ونىمدەرىن شەتەلدىك ساتىپ الۋشىلارعا، سونىڭ ىشىندە قازاقستاندىقتارعا دا بۇل كاسىپورىنمەن كەلىسىمشارت ورناتار الدىندا ونىمدەردىڭ شىعارۋشى زاۋىتتىڭ ليتسەنزياسى بار بولىمدەرىندە شىعارىلۋىنا كوز جەتكىزۋلەرىنە كەڭەس بەرەمىز» ، - دەدى قازاقپارات تىلشىسىنە بەرگەن سۇحباتىندا «دە جەن» كومپانياسىنىڭ باسشىسى ءارى ورتاق يەسى، ءبىزدىڭ وتانداسىمىز سوفيا ۇشىروۆا.
ەستەرىڭىزگە سالا كەتەيىك، Shaanxi Automobile Group قىتايداعى ەڭ ءىرى كومپانيالارىنىڭ رەيتينگىندە 38- ورىندا تۇر. حولدينگتىڭ وكىلدىكتەرى الەمنىڭ كوپتەگەن ەلدەرىندە، سونىڭ ىشىندە قازاقستاندا (الماتى) دا بار. 
