ق ر قورعانىس مينيسترلىگى مەن ا ق ش مەملەكەتتىك دەپارتامەنتى اسكەري ىنتىماقتاستىق ماسەلەلەرىن تالقىلادى
ساپار اياسىندا مەملەكەتتىك دەپارتامەنت وكىلدەرى ق ر ق م ورىنباسارى گەنەرال-مايور تالعات مۇحتاروۆپەن كەزدەستى. ەكى ەل وكىلدەرى ەكى جاقتىڭ قورعانىس ۆەدومستۆولارىنىڭ ىنتىماقتاستىق تۋرالى وزەكتى ماسەلەلەرىن تالقىلادى. وسىدان كەيىن تود چاپمان قازاقستاننىڭ بىتىمگەرشىلىك بريگادالارىن، سونداي-اق «ىلە» وقۋ-جاتتىعۋ ورتالىعىن ارالاپ، حالىقارالىق اسكەري ءبىلىم باعدارلاماسى (ى م ە ت) اياسىندا ءبىلىم الىپ جاتقان اسكەري قىزمەتشىلەرمەن كەزدەستى.
ەستەرىڭىزگە سالا كەتسەك، ق ر ق ك مەن ا ق ش اسكەري قىزمەتشىلەرى قاتىساتىن بىتىمگەرشىلىك وقۋ-جاتتىعۋىنىڭ ءبىرى «دالا قىرانى» بولىپ تابىلادى. سونىمەن بىرگە اعىمداعى جىلعى ءساۋىر ايىنىڭ باسىندا الماتى وبلىسىنداعى «ىلە» وقۋ-جاتتىعۋ پوليگونىندا حالىقارالىق شارانىڭ ءبىرىنشى ارنايى تاكتيكالىق كەزەڭىنىڭ سالتاناتتى اشىلۋ ءراسىمى ءوتتى.
بۇل ءىس-شاراعا امەريكا قۇراما شتاتتارى مەن ۇلى بريتانيادان، سونداي-اق ق ر ق ك اەروۇتقىر اسكەرلەرىنىڭ «قازبريگ» بىتىمگەرشىلىك بريگاداسىنان شامامەن 100 اسكەري قىزمەتشى قاتىستى. اتالعان اسكەري جاتتىعۋلاردىڭ باستى ماقساتى - ب ۇ ۇ بىتىمگەرشىلىك وپەراتسيالارىن وتكىزۋ بارىسىندا قازاقستاندىق بىتىمگەرشىلىك بريگادالارى مەن باتالونىنىڭ شتاب جۇمىستارىن ءىس جۇزىندە جەتىلدىرۋ، سونداي-اق بىتىمگەرشىلىك ءىس-قيمىلدى ورىنداۋدا بولىمشەنىڭ جاۋىنگەرلىك جيناقىلىعىن ارتتىرۋ بولىپ تابىلادى.
