رەسەي عارىش «پروگرەسس» كەشەنىنىڭ اپاتقا ۇشىراۋ سەبەپتەرىن اتادى
بۇل تۋرالى رەسەي عارىشتىڭ سايتىندا حابارلاندى.
تۇتاستاي العاندا ۇشىرۋ جانە «پروگرەسس م-27م» كولىكتىك- جۇك كەشەنىنىڭ «سويۋز 2.1ا» زىمىران تاسىعىشىنان ءبولىنۋىنىڭ 3- ساتىسىنا دەيىن شتاتتىق رەجيمدە بولدى. ۇشۋدىڭ 526,716 سەكۋندىندا زىمىران تاسىعىشتىڭ جانە كەشەننىڭ ءبولىنۋىنىڭ 3- ساتىسى شتاتتان تىس رەجيمدە بولدى. سونىڭ سالدارىنان كورابل ەسەپتىك تراەكتورياسىنان اۋىتقىپ كەتتى.
«بارلىق ماتەريالداردى زەردەلەي كەلىپ، مەملەكەتتىك كوميسسيا مۇشەلەرى كەمەنىڭ شتاتتىق ەمەس جاعدايلاردىڭ ورىن الۋى سالدارىنان اپاتقا ۇشىراۋى قۋاتتالعانى تۋرالى توقتامعا كەلدى»، - دەلىنگەن حابارلامادا.
مەملەكەتتىك كوميسسيا جۇمىسىن جالعاستىرۋدا. ۇشىرۋدىڭ اپاتقا سوقتىرۋىنىڭ بارلىق جاي- جاپسارىن تۇبەگەيلى انىقتاۋ تەرەڭدەتە ەسەپتىك- تەوريالىق زەرتتەۋلەر جۇرگىزۋدى، ءبىرقاتار ەكسپەريمەنتتىك جۇمىستاردى تالاپ ەتەدى. 13 - مامىردان باستاپ كوميسسيا مۇشەلەرى زىمىران- عارىشتىق تەحنيكالارىن شىعاراتىن ءوندىرۋشى كاسىپورىنداردا جۇمىستارىن باستايدى، بۇل ارقىلى اپاتتىڭ بارلىق ىقتيمال سەبەپتەرىن انىقتاۋ جانە جويۋ كوزدەلەدى.
مەملەكەتتىك كوميسسيا تۇپكىلىكتى قورىتىندىنى 22 - مامىردا جاريالايدى.
