عالىمدار ەر ادامداردىڭ ايەلدەردەن از بولۋ سەبەبىن ءتۇسىندىردى

استانا. قازاقپارات- نەمىس عالىمدارى ءبىزدىڭ پلانەتامىزدا ەر بالالاردىڭ كوپ تۋىلۋىنا قاراماستان، ايەلدەر سانى ەرلەردەن كوپ بولۋىن تەوريا نەگىزىندە ءتۇسىندىردى. الايدا، مۇنداي ءۇردىس جاقىن ۋاقىتتا وزگەرۋ مۇمكىن.

ماكس پلانكا اتىنداعى ەۆوليۋتسيالىق انتروپولوگيا ينستيتۋتىنىڭ (گەرمانيا) ماماندارى ادامزاتتىڭ دەموگرافيالىق تاريحىنا قاتىستى زەرتتەۋ ناتيجەلەرىن  «Investigative Genetics» جۋرنالىندا جاريا ەتتى. مۇنداي زەرتتەۋ جۇرگىزۋ ءۇشىن عالىمدار گەنەتيكالىق اقپاراتتى الاتىن جاڭا ءادىس ويلاپ تاپتى.

 اقپاراتتى وڭدەۋ بارىسىندا ۇل بالالاردىڭ تۋۋ ۇلەسى قىز بالالارعا قاراعاندا جوعارى بولۋىنا قاراماستان اتا- بابالارىمىزدىڭ تايپالىق ومىرىندە ايەل سانىنىڭ كوپ بولعاندىعى انىقتالدى. بۇل ءوز كەزەگىندە ەر بالالاردىڭ ەرتە ولىمىمەن تىعىز بايلانىستى. ال ايەل ۇلەسىنىڭ كوپتىگىنەن كوپ ايەل الۋشىلىق پايدا بولدى. ياعني، ەڭ سوڭىندا ەر ادامدارعا قاراعاندا، ءوز ۇرپاعىنا ەڭ كوپ گەن «سىيلاعان» ايەلزات بولىپ تابىلادى.

الايدا، عالىمدار ايەلدەر سانى ازايعانى بولاشاقتا ءوز زاردابىن تيگىزۋى ىقتيمال ەكەنىن ەسكەرتەدى.

سوڭعى مالىمەتتەر قارعاندا ءاربىر 100 قىز نارەستەگە ورتا ەسەپپەن 104-106 ۇل بالا تۋىلۋىنا قاراماستان، الەمدە باسى بوس ايەلدەر سانى كوپ.

ءىس جۇزىندە، بۇل جاعداي الدەقايدا كۇردەلى. سوڭعى كەزدەرى، الەمدە، مىسالى قىتاي مەن ءۇندىستاندا قىزداردان گورى، ەر بالالار كوپ دۇنيەگە كەلىپ جاتىر. الايدا، بۇل قۇبىلىس تابيعاتتىڭ تىلسىم كۇشىمەن ەمەس، قاراپايىم اتا- انانىڭ ەسەبىمەن تۇسىندىرىلەدى. ءتىپتى، قىتايدىڭ وزىندە، وتباسىنىڭ ءبىر عانا بالانى دۇنيەگە اكەلۋ مۇمكىندىگى بولعان جاعدايدا، تاڭداۋ ارينە، ۇل بالاعا تۇسەدى. سەبەبى، قىز بالانى ءوسىرىپ- باپتاپ، ونىڭ جاساۋىن دايىنداۋمەن قاتار، قىز بالا كەلەشەكتە باسقا وتباسىعا كەتىپ قالادى. نە ەسىمىن، نە رۋىن ساقتاپ قالمايدى. اتا- اناسى قارتايعان كەزدە قامقورشى دا بولا المايدى.

ەر بالالار مەن قىز بالالاردىڭ سانى تەڭ بولىپ تۋىلۋىنىڭ كوپتەگەن تەورياسى بار. سونىڭ كەڭىنەن تاراعانى - ۇل بالا سوعىس، قىز بالا بەيبىت بولاشاقتىڭ بەلگىسى. ال مەن بولسام، ەر ادامدار - تۇراقسىزدىق، ال ايەلزات - تۇراقتىلىق بەلگىسى رەتىندە قابىلدايمىن.

ادامداردى تاڭداندىراتىن تاعى ءبىر ماسەلە: نەلىكتەن شالدارعا قاراعاندا كەمپىرلەردىڭ سانى باسىم بولادى؟ مۇنىڭ دا ءوز جاۋابى بار. سەبەبى، ەر ادامدار اراسىندا ءولىم كورسەتكىشى الدەقايدا جوعارى ءارى ەر ادامداردىڭ ءومىر ءسۇرۋدىڭ ورتاشا كورسەتكىشى ايەلدەردىڭ ءومىر ءسۇرۋدىڭ ورتاشا كورسەتكىشىمەن سالىستىرعاندا الدە قايدا قىسقا.

ummet.kz