الەمدەگى ەڭ باي ادام تابىستى بولۋدىڭ قۇپياسىمەن ءبولىستى
ەستەرىڭىزگە سالايىق، 1955 - جىلى 28 - قازاندا ومىرگە كەلگەن بيلل گەيتس الەمدەگى ەڭ باي ادامداردىڭ كوشىن باستاپ تۇر. Forbes جۋرنالىنىڭ 2015 - جىلعى مالىمەتى بويىنشا ونىڭ بار دۇنيە- مۇلكى $79,2 ميللياردقا باعالانعان.
سونىمەن بيلل گەيتس تابىستى بولۋ ءۇشىن تومەندەگىدەي ءبىرقاتار كەڭەستەردى ءتىزىپ بەردى، دەپ جازادى «حابار» ارناسى.
- مەن جۇمىسقا جالقاۋ ادامداردى الامىن. سەبەبى ولار كەز كەلگەن قيىن ماسەلەنى شەشۋدىڭ وڭاي جولىن تەز- اق تابادى.
- ءوز جۇمىسىڭىزدان ءلاززات الىڭىز. سول كەزدە عانا ءسىز ءومىر بويى جۇمىس ىستەمەگەندەي سەزىمدى باستان وتكەرەسىز.
- بارلىق ارمان ورىندالمايدى. مىسالى مەن اسپاز بولۋدى ماقسات تۇتقانمىن. ءبىراق ولاي بولمادى.
- ءسىزدىڭ اتى- ءجونىڭىز عالامتوردا جوق بولسا، دەمەك ءسىز بيزنەستەن تىم الشاقسىز.
- سونداي- اق 500 جىل ءومىر سۇرەتىندەي بەيقام بولماڭىز.
- جاڭا ءىس باستاۋ ەشقاشان دا كەش ەمەس.
- ەگەر باسىڭىزعا جاقسى يدەيا توپ ەتە قالسا، ونى دەرەۋ ىسكە اسىرۋعا تالپىنىڭىز.
- كەز كەلگەن جوبادا ءوز ماقساتىڭدى ناقتى تۇسىنبەۋ، تابىستى بولۋعا كەدەرگى كەلتىرەدى.
