دۋبايدا قازاق ۇلتتىق زەرگەرلىك بۇيىمدارىنىڭ كورمەسى ءوتىپ جاتىر

 ءابۋ- دابي- دۋباي. قازاقپارات - دۋبايدا «ۇرپاقپەن اسىل بايلانىس» اتتى قازاق ۇلتتىق زەرگەرلىك بۇيىمدارىنىڭ كورمەسى اشىلدى، دەپ حابارلايدى «قازاقپارات» ءتىلشىسى.

 شارانى ۇيىمداستىرۋشىلار - «وتباسىم» ۇلتتىق قۇندىلىقتار ورتالىعى مەن دۋبايداعى قازاق جەرلەستەرى ۇيىمىنىڭ ايتۋلارىنا قاراعاندا، كورمەدە قازاقتىڭ ۇلتتىق قۇندىلىقتارىمەن تەرەڭىرەك تانىسۋعا بولادى.

ۇيىمداستىرۋشىلار كورمە ارقىلى امىرلىك تۇرعىندارىنا قازاق حالقى قانداي بولعانىن جانە قازىر قازاق مادەنيەتىنىڭ قالاي وركەندەپ جاتقانىن كورسەتۋدى ماقسات ەتكەن.

«ۇرپاقپەن اسىل بايلانىس» كورمەسى مىنا اسپەكتىلەرگە نەگىزدەلگەن: وتاندىق وندىرۋشىلەردىڭ جەتىستىكتەرى، ۇلتتىق ونەردەگى يننوۆاتسيا، قازاق ۇلتتىق كيىمدەرىن، اشەكەي بۇيىمدارى مەن ىدىس- اياق، ت. ب. مودەرنيزاتسيالاۋ، ۇمىت بولعان ۇلتتىق تاعامداردى جاڭعىرتۋ، «قازاق ۇلتتىق زەرگەرلىك بۇيىمدارىنىڭ ءمان- ماعىناسى» شەبەرلىك ساباعى.

 كەش قوناقتارى ۇلتتىق كيىمدەرمەن قاتار قازىرگى زامانعى كيىمدەردى ۇلتتىق ناقىشتا تىككەن «Bibisara» برەندىمەن، ءتۇرلى زەرگەرلىك اشەكەيلەرمەن تانىستى.

  قوناقتار اراسىندا قازاقستاننىڭ دۋبايداعى باس كونسۋلى ارمان يساعاليەۆ، قازاقستاندىق ستۋدەنتتەر مەن ب ا ءا تۇراتىن وتانداستار، شەتەلدىك قوناقتار مەن ب ا ق وكىلدەرى بولدى.

 «ۇرپاقپەن اسىل بايلانىس» كورمەسى ب ا ءا- دە تۇراتىن قازاقستاندىق وتباسىلارىنا قاجەت، سەبەبى ولاردىڭ بالالارى مەكتەپتە قازاق ءتىلى مەن قازاقستان تاريحىن وقىمايدى. وكىنىشكە وراي، بابالارىمىزدىڭ سان عاسىرلار بويى بىزگە جەتكىزىپ كەلگەن كەرەمەت سالت- داستۇرلەرىمىز مەن ۇلتتىق قۇندىلىقتارىمىز وسىلاي بىرتىندەپ ۇمىتىلا باستايدى»، - دەپ كورمە ۇيىمداستىرۋشىلارىنىڭ ءبىرى باعداد داربابايەۆا ءوز پىكىرىمەن ءبولىستى.