ەلدەرىمىزدىڭ اراسىنداعى قارىم- قاتىناس قازاقستان مەن يراننىڭ دوستاس حالىقتارىنىڭ مۇددەسىنە يگى قىزمەت ەتە بەرەدى - ح. رۋحاني

استانا. قازاقپارات - يران پرەزيدەنتى حاسان رۋحاني ەلباسى نۇرسۇلتان نازاربايەۆتى پرەزيدەنت سايلاۋىنداعى جەڭىسىمەن جانە قىزمەتىنە كىرىسۋىنە بايلانىستى تەلەفون ارقىلى قۇتتىقتادى.

بۇل تۋرالى اقوردانىڭ باسپا ءسوز قىزمەتى حابارلادى.

اڭگىمەلەسۋ بارىسىندا ەكى مەملەكەت كوشباسشىلارى قازاقستان- يران سەرىكتەستىگىنىڭ باسىمدىعى بار باعىتتارىن تالقىلادى. تاراپتار حالىقارالىق ۇيىمدار اياسىنداعى ساياسي ديالوگ پەن جەمىستى ءوزارا ءىس- قيمىلدىڭ جوعارى دەڭگەيىن اتاپ ءوتتى.

بۇدان بولەك، ساۋدا- ەكونوميكالىق جانە ينۆەستيتسيالىق ىنتىماقتاستىق اياسىن ودان ءارى كەڭەيتۋ ماسەلەلەرى جونىندە پىكىر الماسىلدى.

يران پرەزيدەنتى ەلدەرىمىزدىڭ اراسىنداعى سان عاسىرلىق دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم- قاتىناس الدا دا قازاقستان مەن يراننىڭ دوستاس حالىقتارىنىڭ مۇددەسىنە يگى قىزمەت ەتە بەرەتىنىنە سەنىم ءبىلدىردى.