ءبىزدىڭ جەڭىس ادامزاتتى ولىمنەن ساقتادى - ۇ و س ارداگەرى كامالي دۇيسەمبەكوۆ

 ماسكەۋ. قازاقپارات - ءبىزدىڭ جەڭىس ادامزاتتى ولىمنەن ساقتاپ قالدى، دەدى «قازاقپارات» تىلشىسىمەن سۇحباتتاسقان جەڭىس پارادىنا قاتىسقان قازاقستاندىق ۇ و س ارداگەرى كامالي دۇيسەمبەكوۆ.

«ەرەكشە سەزىمدە تۇرمىن. جەڭىس پارادىنا ءۇشىنشى رەت كەلۋىم. جەڭىستىڭ ماڭىزى تۋرالى قىسقاشا ايتۋدىڭ ءوزى وڭاي ەمەس. ءبىر سوزبەن ايتقاندا، ءبىزدىڭ جەڭىس ادامزاتتى ولىمنەن ساقتاپ قالدى»، - دەدى ول.

 ارداگەر ماسكەۋ تۇبىندەگى شايقاسقا قاتىسقانىن اتاپ ءوتتى. ستالينگراد، ۋكراينا، قىرىم، بەلارۋس، بالتىق تۇبىندەگى ۇرىستارعا قاتىسقان.

ول ماسكەۋدەگى اسكەري پارادتا ءوز جولداستارىمەن جولىقتى.

«پارادتا كوپتەگەن جولداستارىمدى كەزدەستىردىم. وتكەن كۇندەردى ەسىمىزگە الدىق»، - دەدى ارداگەر ولارعا بەيبىتشىلىك پەن دەنساۋلىق تىلەي وتىرىپ.

 «مەن الەمگە بەيبىتشىلىك، باقىت تىلەيمىن. بارشاڭىزعا ۇلى جەڭىس قۇتتى بولسىن دەگىم كەلەدى!»، - دەدى ارداگەر ءسوز سوڭىندا.

ك. دۇيسەمبەكوۆ 4- ۋكراين مايداننىڭ 13- كورپۋسى 24- گۆارديالىق ديۆيزياسىندا بولعان. 1- شى، 2- شى دارەجەلى ۇ و س وردەندەرىمەن مارپاتتالعان. وكتيابر ريەۆوليۋتسياسى، قىزىل تۋ وردەنى، «قۇرمەت» وردەنىنىڭ يەگەرى.