قازاقستان پرەزيدەنتى ماسكەۋدەگى اسكەري پارادقا باردى
اسكەري پارادقا 16 مىڭعا جۋىق ادام مەن 200 اسكەري تەحنيكا قاتىسۋدا.
پارادتى ر ف قۇرلىق اسكەرىنىڭ باس قولباسشىسى ولەگ ساليۋكوۆ باسقارۋدا.
سونداي- اق، جەڭىس شەرۋىنە ت م د ەلدەرى مەن دوستاستىق مەملەكەتتەرىنەن - ازەربايجان، ارمەنيا، بەلارۋس، قازاقستان، قىرعىزستان، تاجىكستان، ءۇندىستان، موڭعوليا، سەربيا، قىتايدان - 10 پارادتىق ەسەپ قاتىسۋدا.
پارادتى ر ف پرەزيدەنتى، قارۋلى كۇشتەردىڭ جوعارى باس قولباسشىسى ۆلاديمير پۋتين قابىلدادى.
مەرەكەلىك جيىنعا ماسكەۋگە جەڭىس كۇنىنە وراي كەلگەن الەمنىڭ 30 عا جۋىق ەلىنىڭ كوشباسشىلارى قاتىستى.
پارادتى تريبۋنادان سوعىس ارداگەرلەرى، قوعامدىق ۇيىم وكىلدەرى، كوپتەگەن شەتەلدىك قوناقتار تاماشالاۋدا.
ەسكە سالا كەتەيىك، مەملەكەت باسشىسى نۇرسۇلتان نازاربايەۆ جەڭىستىڭ 70 جىلدىعىنا ارنالعان اسكەري پارادقا قاتىسۋ ءۇشىن، ەكى كۇندىك رەسمي ساپارمەن ماسكەۋگە باردى.
