ق ر پرەزيدەنتى ۇ و س تۋرالى تاريحي فاكتىلەردى بۇرمالاپ جۇرگەندەردىڭ ارەكەتىن ءجونسىز دەپ اتادى
«وكىنىشتىسى، سوڭعى ۋاقىتتا كەيبىر ساياساتكەرلەر مەن مەملەكەتتەردىڭ ۇلى وتان سوعىسىنىڭ قورىتىندىسىنا تەكسەرۋ جۇرگىزگىسى كەلىپ، تاريحي فاكتىلەردەن اۋىتقىپ، بۇرمالاۋى بايقالادى.
مەنىڭشە، ءبىزدىڭ ءبارىمىز ءۇشىن مۇنداي ارەكەت ەشكىمگە ابىروي اكەلمەيدى. ۇلى جەڭىس تۋرالى اقيقاتتى ساقتاپ، سونداي الاپات سوعىس قايتالانباسى ءۇشىن بولاشاق ۇرپاق ەسىندە قالدىرۋىمىز قاجەت. بۇگىندە ءبىز وتكەن تاريحتان بارلىعى ساباق الماعانىن كورىپ وتىرمىز، وتكەننىڭ قاتەلىكتەرى قايتالانىپ جاتىر»، - دەدى ق ر پرەزيدەنتى.
ماسكەۋدە ءوتىپ جاتقان تاۋەلسىز مەملەكەتتەر دوستاستىعى ەلدەرىنىڭ مەملەكەت باسشىلارىنىڭ بەيرەسمي كەزدەسۋىندە ونىڭ قاتىسۋشىلارى ت م د ەلدەرى كوشباسشىلارى كەڭەسىنىڭ كەلەسى وتىرىسىنىڭ داتاسىن بەكىتتى.
«مەملەكەت باسشىلارى كەڭەسىنىڭ ءتوراعاسى رەتىندە ءبىز كەزەكتى وتىرىستى 9 - قازان كۇنى استانادا وتكىزۋدى ۇسىندىق. وسى داتا ءبىزدىڭ كوڭىلىمىزدەن شىعىپ وتىر»، - دەدى ن. نازاربايەۆ.
ۇزاققا سوزىلماعان داۋىس بەرۋدەن كەيىن كەزدەسۋ قاتىسۋشىلارى ق ر پرەزيدەنتى ۇسىنعان داتاعا قولداۋ ءبىلدىردى.
