20:33, 08 - مامىر 2015 | GMT +5
ماسكەۋدەگى كەزدەسۋدە مەملەكەت باسشىسى قازاقستاننىڭ ۇلى جەڭىسكە ەرەكشە ۇلەس قوسقانىن اتاپ ءوتتى
ماسكەۋ. قازاقپارات - بۇگىن ماسكەۋدە ءوتىپ جاتقان ت م د ەلدەرىنىڭ مەملەكەت باسشىلارىنىڭ بەيرەسمي كەزدەسۋىندە ەلباسى نۇرسۇلتان نازاربايەۆ ۇلى وتان سوعىسىنداعى جەڭىسكە قازاقستاننىڭ ەرەكشە ۇلەس قوسقانىن اتاپ ءوتتى.
«بارلىق ەلدەر سەكىلدى قازاقستان دا ۇلى جەڭىسكە ەلەۋلى ۇلەس قوستى. سول كەزدەگى ەل حالقىنىڭ %20، ياعني ءبىر جارىم ميلليون ادام مايدانعا اتتانىپ، سونىڭ جارتىسى ورالمادى»، - دەدى ق ر پرەزيدەنتى. «500 ادام كەڭەس وداعىنىڭ باتىرى اتاعىن الدى»، - دەپ اتاپ ءوتتى ول.
ن. نازاربايەۆتىڭ ايتۋىنشا، «قازاقستان سول كەزدە وزگە ەلدەر سەكىلدى سەنىمدى تىلعا اينالدى».
«بۇل جەڭىس بارلىعى ءۇشىن ەرەكشە ماڭىزعا يە، ارداگەرلەر ءۇشىن دە، كەلەشەك ۇرپاق تاربيەسىندە - وتاندى قالاي قورعاۋ كەرەك ەكەنىن كورسەتۋ ءۇشىن دە ماڭىزدى»، - دەپ توقتالىپ ءوتتى مەملەكەت باسشىسى.
