ۆ. پۋتين قازاقستاننىڭ سوعىس ارداگەرلەرىنە العىس ايتتى

 استانا. قازاقپارات - رەسەي پرەزيدەنتى ۆلاديمير پۋتين ۇلى جەڭىستىڭ 70 جىلدىعى قارساڭىندا قازاقستاندىق ارداگەرلەرگە جەڭىس ءۇشىن العىس ايتتى.

كرەملدىڭ باسپا ءسوز قىزمەتىنەن حابارلاعانداي، رەسەي پرەزيدەنتى ازەربايجان، ارمەنيا، بەلارۋس، قازاقستان، قىرعىزستان، مولدوۆا، تاجىكستان، تۇركىمەنستان، وزبەكستان، ابحازيا، وڭتۇستىك وسەتيا باسشىلارىن، سونىمەن قاتار گرۋزيا جانە ۋكراينا ازاماتتارىن جەڭىستىڭ 70 جىلدىعىمەن قۇتتىقتادى.

 رەسەي پرەزيدەنتىنىڭ قۇتتىقتاۋىندا ۇلى جەڭىس كۇنى الەمدى ناتسيزمنەن قۇتقارعان حالقىمىزدىڭ ورتاق، قۇندى جەتىستىگى ەكەنى ايتىلعان.

 رەسەي مەملەكەتىنىڭ باسشىسى ۇلى وتان سوعىسى جىلدارى نىعايا تۇسكەن باۋىرلاس، دوستىق - حالىقتار اراسىنداعى قارىم- قاتىناستىڭ كۇشەيۋىنە ىقپال ەتىپ، قازىرگى ۋاقىتتا جانە بولاشاقتا ۇرپاقتارىمىزعا ۇلگى بولارىنا سەنىم ءبىلدىردى.

 ۆ. ۆ. پۋتين ۇلى وتان سوعىسىنىڭ ارداگەرلەرىنە العىس ايتىپ، ولارعا مىقتى دەنساۋلىق پەن بەرەكە تىلەدى.