ن. نازاربايەۆ ۆ. پۋتينمەن كەزدەسىپ، جوعارعى ەۋرازيالىق ەكونوميكالىق كەڭەس وتىرىسىنا قاتىسادى

 ماسكەۋ. قازاقپارات - مەملەكەت باسشىسى نۇرسۇلتان نازاربايەۆ ەكى كۇندىك رەسمي ساپارىمەن ماسكەۋگە كەلدى.

بۇگىن ەلباسى رەسەي پرەزيدەنتى ۆ. پۋتينمەن كەزدەسەدى، ت م د مەملەكەتتەرى باسشىلارىنىڭ بەيرەسمي سامميتىنە جانە جوعارعى ەۋرازيالىق ەكونوميكالىق كەڭەس وتىرىسىنا قاتىسادى.

 جەڭىستىڭ 70 جىلدىعىنا ارنالعان ت م د مەملەكەتتەرى باسشىلارىنىڭ بەيرەسمي كەزدەسۋى بارىسىندا استانادا وتەتىن ءسامميتتىڭ ۋاقىتى تالقىلانباق.

جوعارى ەۋرازيالىق ەكونوميكالىق كەڭەستىڭ وتىرىسىندا نەگىزىنەن ەۋرازيا كەڭىستىگىندە ينتەگراتسيالىق ۇردىستەردىڭ دامۋ ماسەلەلەرى، سونىڭ ىشىندە 2014 - جىلى 29 - مامىردان ە ا ە و تۋرالى كەلىسىمشارتقا قىرعىزستاننىڭ قوسىلۋى، قىرعىزستاندىق- قازاقستاندىق شەكارادا وتكىزىلەتىن تاۆارلار مەن كولىك قۇرالدارىن كەدەندىك باقىلاۋدان وتكىزۋدەن باس تارتۋ تۋرالى، قازاقستاندىق- قىرعىزستاندىق شەكارا ۋچاسكەسىندە سانيتارلىق- كارانتيندىك جانە ۆەتەرينارلىق- سانيتارلىق، سونىمەن قاتار فيتوسانيتارلىق باقىلاۋدى وتكىزبەۋ تۋرالى، ە ا ە و كوللەگياسى مۇشەلىگىنە قىرعىزستاندىق تاراپتان ۇسىنىلعان كانديداتۋرالار جونىندەگى ماسەلەلەر قارالاتىن بولدى.

سونداي- اق، جيىندا ە ا ە و- نىڭ 2014 - جىلعى بيۋدجەتىنىڭ ورىندالۋى مەن وداققا مۇشە ەلدەردىڭ 2015-2016 - جىلدارداعى ماكرو ەكونوميكالىق ساياساتىن باعامداۋ ماسەلەسى، ەلەكترو ەنەرگەتيكالىق نارىقتىڭ جالپى تۇجىرىمداماسى جانە ەۋرازيا كەڭىستىگى ينتەرگاتسياسىنىڭ اكۋتالدى ماسەلەلەرى تالقىلانادى.