ءبىز - جەڭىسكە جەتكەن بابالاردىڭ ۇرپاعىمىز - ق ر پرەزيدەنتى

استانا. قازاقپارات - بۇگىن ەلباسى نۇرسۇلتان نازاربايەۆ ەلورداداعى وتان قورعاۋشىلار مونۋمەنتىنە «داڭق گۇل تىزبەسىن» قويدى.

وسىدان كەيىن مەملەكەت باسشىسى شاراعا قاتىسقان بارلىق ۇ و س ارداگەرلەرىن جەڭىستىڭ 70  جىلدىق مەرەيتويىمەن قۇتتىقتاپ، زور دەنساۋلىق تىلەدى

«ءبىز - جەڭىسكە جەتكەن بابالاردىڭ ۇرپاعىمىز. سول بابالارىمىزدىڭ، اكەلەرىمىزدىڭ، اتالارىمىزدىڭ ارقاسىندا، مىنەكەي، 70  جىل بويى بەيبىت ءومىر ءسۇرىپ كەلە جاتىرمىز. ونى ەش ۋاقىت ۇمىتپاۋ كەرەك. ەگەر ءبىزدىڭ بابالارىمىز سول سوعىستا جەڭىسكە جەتپەسە، حالىمىز قالاي بولار ەدى؟ قازاقستان بۇگىنگىدەي بولار ما ەدى، بولماس پا ەدى؟ مىناۋ اسپانىمىز وسىنداي اشىق بولار ما ەدى؟ مىناۋ جاستارىمىز جارقىراپ كۇلەر مە ەدى، كۇلمەس پە ەدى؟ مۇنىڭ بارلىعى وسى ارداگەرلەرىمىزدىڭ جەڭىسى. سوندىقتان دا ارداگەرلەردى ءار ۋاقىتتا دا قۇرمەتتەپ ءجۇرۋ كەرەك» ، - دەدى ق ر پرەزيدەنتى.

ايتا كەتەيىك، شاراعا 10 مىڭعا تارتا ادام قاتىستى. ولاردىڭ قاتارىندا ەلوردالىق جانە ەل وڭىرلەرىنەن كەلگەن ۇ و س ارداگەرلەرى، پارلامەنت دەپۋتاتتارى، مەملەكەت قايراتكەرلەرى، قالا قوناقتارى مەن تۇرعىندارى بار.

 

 اۆتور: مارلان جيەمباي