قىتاي قازاقستاننىڭ ەگەمەندىگىن، تاۋەلسىزدىگىن جانە جەرىنىڭ تۇتاستىعىن مىعىم قۋاتتايدى - ش. جينپين
«قىتاي ۇكىمەتى مەن حالقى اتىنان جانە ءوزىمنىڭ اتىمنان ءسىزدى قايتا پرەزيدەنت لاۋازىمىنا سايلانۋىڭىزبەن تاعى ءبىر مارتە قۇتتىقتاعىم كەلەدى. مەنىڭ بۇگىنگى ساپارىم دا ءسىزدى قايتا سايلانۋىڭىزبەن قۇتتىقتاۋعا اسىعۋىمدى قۋاتتاي تۇسەدى. ءسىزدىڭ باسشىلىعىڭىزبەن قازاق حالقى ىنتىماعى جاراسىپ، مەملەكەتتىك قۇرىلىس پەن ۇلتتىق ورلەۋ جولىندا جاڭا بەلەستەردى باعىندىراتىندىعىنا سەنىمىم مول» ، - دەدى ول.
ق ح ر ءتوراعاسىنىڭ اتاپ وتۋىنشە، سوڭعى جىلدارى ىشىندە قازاقستاندىق- قىتايلىق جان- جاقتى ستراتەگيالىق سەرىكتەستىك قارقىندى العا جىلجىپ، جوسپارلى ىنتىماقتاستىق تا قارقىندى دامۋ ۇستىندە.
«ءبىزدىڭ ەلدەرىمىز وڭىردەگى تۇراقتىلىقتى قامتاماسىز ەتىپ، دامۋعا سەرپىن بەرۋدە كونسترۋكتيۆتى ءارى ماڭىزدى كۇشكە اينالىپ وتىر. قىتايلىق تاراپ قازاقستانمەن قارىم- قاتىناستى دامىتۋعا باسا ءمان بەرەدى. قازاقستاننىڭ تاۋەلسىزدىگىن جانە جەرىنىڭ تۇتاستىعىن مىعىم قۋاتتايدى» ، - دەدى شي جينپين.
اۆتور: مارلان جيەمباي
