استاناداعى پاراد قازاقستاننىڭ اسكەري قۋاتىن پاش ەتتى - گەنەرال- مايور ن. ورمانبەتوۆ

استانا. قازاقپارات - استاناداعى اسكەري شەرۋدە ۇسىنىلعان بارلىق تەحنيكالار قازاقستاننىڭ بۇگىنگى اسكەري قۋاتىن تولىقتاي كورسەتتى، دەپ ەسەپتەيدى ق ر اۋە قورعانىسى كۇشتەرىنىڭ باس قولباسشىسى، اۆياتسيا گەنەرال-مايورى نۇرلان ورمانبەتوۆ.

«بۇگىنگى پاراد - جەكە قۇرام، ونىڭ ىشىندە اسكەري تەحنيكا جاراقتارى، اۋە كۇشتەرى - بۇنىڭ بارلىعى ءبىزدىڭ اسكەري قۋاتىمىزدى تولىقتاي پاش ەتتى. قازاقستاندا قارۋدىڭ قانشالىقتى قۋاتتى ەكەندىگىن كورسەتتى»، - دەدى اۆياتسيا گەنەرال- مايورى تىلشىلەرگە بەرگەن سۇحباتىندا.

ونىڭ ايتۋىنشا، قازاقستان اسكەريلەرى شەرۋدى كاسىبي تۇرعىدا جاقسى وتكىزە الدى.

«جەكە قۇرام جوعارى دەڭگەيدە. بۇگىن كورگەنىمىزدىڭ بارلىعى بىزدىڭ اسكەري قۋاتىمىز. اسكەري شەرۋ ءساتتى ءوتتى دەپ قورىتىندىلاۋعا بولادى»، - دەپ اتاپ ءوتتى ول.

اۆتور: جاسۇلان جولدىبايەۆ