قازاقستاندىق بوكسشىلار مينسكىدەگى تۋرنيردە بۇگىن جارتىلاي فينالدىق جەكپە-جەكتەرىن وتكىزەدى

استانا. قازاقپارات - مينسك قالاسىندا بوكستان كەڭەس وداعىنىڭ باتىرى ۆيكتور ليۆەنتسيەۆتى ەسكە الۋعا ارنالعان حالىقارالىق جارىس ءوتىپ جاتىر.

كەشە كەزەكتى جەكپە-جەكتەرىندە ابىلايحان ءجۇسىپوۆ (64 كەلى) ۋكراينا سپورتشىسىن 2:1 ەسەبىمەن ۇتتى. شايمۇرات قۇسايىنوۆ (81 كەلى) تا ۋكراينالىق قارسىلاسىنان 3:0 ەسەبىمەن باسىم ءتۇستى.

بۇگىن قازاقستاندىق سپورتشىلار وزدەرىنىڭ جارتىلاي فينالدىق جەكپە-جەكتەرىن وتكىزەدى. ەرجان جومارت (49 كەلى) وزبەكستان وكىلىمەن ايقاسسا، ابىلايحان ءجۇسىپوۆ (64 كەلى) - تۇرىك بوكسشىسىمەن، ال شايمۇرات قۇسايىنوۆ (81 كەلى) مەن ەركىن مۇحامەدجان (91 كەلى) - گرۋزيا سپورتشىلارىمەن كەزدەسەدى.

مينسكىدەگى تۋرنير ەرتەڭ، 8- مامىر كۇنى اياقتالادى، دەپ جازادى sports.kz.