استاناداعى اسكەري پارادتا سوعىس تەحنيكالارى تاريحي جانە زاماناۋي ۇلگىدە كورسەتىلدى - فوتو
پارادقا قاتىسۋ ءۇشىن سوعىس كەزىندە پايدالانىلعان 40 قا جۋىق قارۋ-جاراق، اسكەري جانە اۆياتسيالىق تەحنيكالار جوندەۋدەن وتكىزىلگەن. اسكەري پارادتىڭ تاريحي بولىمىندە ۇلى وتان سوعىسى جىلدارىندا قولدانىلعان تەحنيكانىڭ 36 ءتۇرى ىسكە قوسىلعان. ولاردىڭ ىشىندە، 27 اسكەري تەحنيكا مەن قارۋ-جاراق (ت-34 تانكى، ز ي س-2 زەڭبىرەگى جانە م-30 گاۋبيتسالى زيل-157, تانىمال ب م-13 ر س-30 «كاتيۋشاسى» جانە «ماكسيم» پۋلەمەتى)، سونداي-اق، 9 ۇشۋ قۇرالدارى (ا ن-2 جانە تl-2000) بار.
پارادقا قاتىسقان اسكەري تەحنيكالاردىڭ كوشىن ت-34 تانكى، زيل-157 سۇيرەتكەن زيس-2 زەڭبىرەكتەرى جانە م-30 گاۋبيتسالارى، اتى اڭىزعا اينالعان ب ي13 ر س-30 «كاتيۋشا» تەحنيكالارى باستادى. سونىمەن قاتار، «ماكسيم» پۋلەمەتى، رپد (دەگتيارەا قول پۋلەمەتى)، پ پ ش (شپاگين تاپانشا-پۋلەمەتى) پاراد تىزبەگىن جالعاستىردى.
«پارادقا قاتىسقان قازىرگى تەحنيكالارعا توقتالساق، زاماناۋي تەحنيكالار شەرۋىن باسقارىلاتىن قارۋمەن جاراقتاندىرىلعان ت-72ب تانكى باستادى. بۇدان وزگە، الاڭدا تانكتەردى قولداۋ جاۋىنگەرلىك ماشينالارى، سوڭعى جىلدارى قازاقستاندىق ارميانىڭ ساپىنا قوسىلعان جاۋىنگەرلىك ماشينالار، «سولنتسەپەك» جاياۋ اسكەر جاۋىنگەرلىك ماشينالارى، ب ت ر-82 برونەترانسپورتەرلەرى، د-30, «مستا» گاۋبيتسالارى، كاماز، اۆتوكولىكتەرى «تيگر» بروندى كولىكتەرى، «كوربا» جاۋىنگەرلىك بارلاۋ كولىكتەرى جانە باسقا دا زاماناۋي اسكەري تەحنيكالار ءجۇرىپ ءوتتى.
بۇگىنگى وتان قورعاۋشى كۇنى جانە جەڭىستىڭ 70 جىلدىعىنا وراي ۇيىمداستىرىلعان مەرەكەلىك اسكەري پاراد - ەلىمىزدىڭ قارۋلى كۇشتەرى تاريحىنداعى ەلەۋلى وقيعا بولعانى انىق. بۇل قازاقستاندىق اسكەري كۇشتەردىڭ بارلىق ءتۇرى قاتىسقان جانە اۋقىمى جاعىنان بۇرىن-سوڭدى بولماعان اسا ءىرى مەرەيتويلىق شارا ەكەنى داۋسىز.
اۆتور: كۇنسۇلتان وتارباي
