قارت مايدانگەر مۇباراك كاكەنوۆ: ءبىز كورگەن سوعىستى كەلەشەك ۇرپاق كورمەسىن!
وسى ورايدا قارت مايدانگەر بۇگىنگى پارادتىڭ ۇيىمداستىرىلۋى دەڭگەيىنە ءوز العىسىن ءبىلدىردى.
«ۇلى جەڭىستىڭ 70 جىلدىعىن امان-ەسەن قارسى الىپ وتىرمىز. بۇل، ارينە، تاۋەلسىزدىگىمىزدىڭ ارقاسى. ءاردايىم ەلىمىز امان، جۇرتىمىز تىنىش بولسىن! ءبىز كورگەن سوعىستى كەلەشەك ۇرپاق كورمەسىن! بەيبىت زامان بولسىن! بارلىق ۇلى وتان سوعىسىنىڭ ارداگەرلەرىنە زور دەنساۋلىق تىلەيمىن! اسپانىمىز اشىق بولىپ، ەلىمىزگە اللا تاعالا تىنىشتىعىن بەرسىن!»، - دەدى م. كاكەنوۆ.
ارداگەردىڭ ايتۋىنشا، ول كىسى سوعىستىڭ اياعىنا دەيىن قاتىسىپ، ەلى ءۇشىن قان مايداندا باسقىنشى جاۋعا قاسقايىپ قارسى تۇرعان. سوعىستا كورسەتكەن ەرلىگى دە ەسكەرۋسىز قالماعان. «وتان سوعىسى»، «بەرليندى العانى ءۇشىن»، «بەلورۋسسيانى ازات ەتكەنى ءۇشىن»، «ۋكراينانى ازات ەتكەنى ءۇشىن» وردەندەرىمەن ماراپاتتالعان.
«مەن ءوزىم ءبىرىنشى بەلارۋس مايدانىندا بولىپ، بەلورۋسسيانى، پولشانى ازات ەتۋگە قاتىستىم. 1945-جىلدىڭ 2- مامىرىندا بەرلينگە باسىپ كىرىپ، جەڭىس كۇنىن سول جەردە تويلادىق. سوعىستان كەيىن ەلگە ورالىپ، ۇيلەنىپ، 11 بالانىڭ اكەسى بولدىم»، - دەپ ەسكە الادى ارداگەر.
اۆتور: رۋسلان عابباسوۆ
