استاناداعى اسكەري پارادتا ەڭ كونە سوعىس زەڭبىرەكتەرى كورسەتىلدى - فوتو
ولاردىڭ ءبىرى - جەتەككە الۋعا ارنالعان زيل-157. بۇل تەحنيكا قارۋلاردى جەتەككە الۋعا، ءتۇرلى جۇكتەر مەن جەكە قۇرامدى تاسىمالداۋعا ارنالعان.
تاكتيكالىق- تەحنيكالىق سيپاتتامالارى: جۇك كوتەرگىشتىگى - 3750 ك گ، جاراقتى سالماعى - 6135 ك گ، تولىق سالماعى - 10185 ك گ، 60 كم/ساع جىلدامدىعىنداعى جانارماي شىعىنى - 35,0 ل، تىركەمەنىڭ مۇمكىن بولاتىن تولىق سالماعى - 3750 ك گ.
سونىمەن قاتار اسكەري پارادتا جۇرت نازارىنا ۇسىنىلعان 57 م م زيس-2 تانك بۇزار زەڭبىرەگى دە ۇلى وتان سوعىسى كەزەڭىندەگى كەڭەستىك قارۋلاردىڭ ءبىرى. بۇل 1940 -جىلى ازىرلەنگەن، سول ۋاقىتتاعى الەمدەگى ەڭ كۇشتى تانك بۇزار زەڭبىرەك بولعان.
تاكتيكالىق- تەحنيكالىق سيپاتتامالارى: قارۋدىڭ سالماعى 1050 ك گ. , تۋرا اتۋ قاشىقتىعى 1120 م. , اتۋ شاپشاڭدىعى 25 اتىس/مين. بارلىعى 13710 بىرلىك جاسالىپ شىعارىلعان. كەيبىر مەملەكەتتەر اسكەرلەرىندە زيس-2 ءالى كۇنگە دەيىن قولدانىلادى. ق ر ق ك- دە تۇعىر نەمەسە مۇراجاي ەكسپوناتتارى رەتىندەگى بۇل قارۋ ءتۇرىنىڭ 31 بىرلىگى بار.
تاعى ءبىر كونە اسكەري تەحنيكانىڭ ءبىرى 122 م م م-30 زەڭبىرەگى. ول 1938 -جىلعى ۇلگىدەگى 122-م م م-30 گاۋبيتساسى - ۇلى وتان سوعىسى كەزەڭىندەگى كەڭەستىك گاۋبيتسا. بۇل قارۋ 1939 -جىلدان 1955 -جىلعا دەيىن شىعارىلعان، الەمنىڭ كوپتەگەن ەلدەرى اسكەرلەرىنىڭ قارۋلانۋىندا بولعان نەمەسە ءالى دە بار، ⅩⅩعاسىردىڭ ورتاسى مەن سوڭىندا بولعان بارلىق دەرلىك سوعىستاردا جانە قارۋلى قاقتىعىستاردا قولدانىلدى.
ارتيللەريانى م-30 گاۋبيتساسىمەن قارۋلاندىرۋ ۇلى وتان سوعىسىندا ناتسيستىك گەرمانيانى كۇيرەتۋدە ۇلكەن رول اتقارعان. بارلىعى 19266 بىرلىك جاسالىپ شىعارىلدى.
تاكتيكالىق- تەحنيكالىق سيپاتتامالارى: توپتا 8 ادام، اتۋ شاپشاڭدىعى 5-6 اتىس/مين. , وق باعىتىنىڭ بيىكتىگى 1200 م م.
سونداي- اق، ۇلى وتان سوعىسى كەزەڭىندەگى رەاكتيۆتى ارتيللەريانىڭ كەڭەستىك ب م-13 جاۋىنگەرلىك ماشيناسى اتانعان ر س ز و ب م-13 «كاتيۋشا» دا ەڭ كەڭ تارالعان جانە اتاقتى كەڭەستىك جاۋىنگەرلىك ماشينا. بۇل تەحنيكا «كاتيۋشا» اتاۋىمەن اناعۇرلىم تانىمال. تاكتيكالىق- تەحنيكالىق سيپاتتامالارى: باعىتتاۋشى سانى - 16, سناريادسىز جورىقتىق كۇيدەگى سالماعى 7200 كگ، جورىقتىق كۇيدەن اتۋ كۇيىنە اۋىسۋ ۋاقىتى 2-3 مين، وقتاۋ ۋاقىتى 5-8 مين. اتۋ قاشىقتىعى 8 470 مەتر.
