مەملەكەت باسشىسى قازاقستانداعى بارلىق اسكەريلەرگە تاۋەلسىزدىك پەن تىنىشتىقتى قورعاۋ تۋرالى ۇندەۋ جاسادى
ءسوز بارىسىندا مەملەكەت باسشىسى بۇگىنگى كۇنى ەلىمىزدە بەس حالىقتىق رەفورما باعدارىن جۇزەگە اسىرۋ قولعا الىنعانىن اتاپ ءوتتى. پرەزيدەنتتىڭ ايتۋىنشا، بۇل رەفورمالار كەلەشەك ۇرپاققا ىلگەرى جىلدارداعى گۇلدەنۋدىڭ داڭعىلىن قالىپتاستىرادى. «بۇل جول - الەمنىڭ ەڭ دامىعان وتىز ەلىنىڭ جولى. ءبىزدىڭ بۇعان دەيىنگى جەتىستىكتەرىمىزدىڭ بارلىعى جاڭا اسۋلاردى باعىندىرۋعا ىنتالاندىرادى» ، - دەدى ن. نازاربايەۆ.
«ءبىز جيىرما جىلدىعىن اتاپ ءوتىپ جاتقان اتا زاڭىمىزداعى العاشقى سوزدەر «ءبىز قازاقستان حالقى» دەپ باستالادى. بۇل كوپۇلتتى حالىق بىرلىگىنىڭ باياندى فورمۋلاسى. ءبىز ەڭ باستى قۇندىلىقتارىمىزدى ماڭگىلىك ساقتاۋىمىز كەرەك. بۇلار: تاۋەلسىزدىك، بەيبىتشىلىك جانە قوعامداعى تۇراقتىلىق. بارلىق مەملەكەتتىك ينستيتۋت پەن ءاربىر قازاقستاندىقتىڭ پارىزى وسى قۇندىلىقتاردى قورعاۋدا بولۋى ءتيىس. ونى قورعاۋشىلاردىڭ ءبىرىنشى قاتارىندا ءبىزدىڭ داڭقتى قارۋلى كۇشتەرىمىز تۇر. جوعارعى باس قولباسشى رەتىندە مەن ەلىمىزدىڭ ءاربىر اسكەري قىزمەتكەرىنە ۇندەۋ جاسايمىن. سىزدەرگە جوعارى ميسسيا جۇكتەلەدى. ول قازاقستاننىڭ تاۋەلسىزدىگىن جانە ءبىزدىڭ ازاماتتارىمىزدىڭ تىنىشتىعىن قورعاۋ. وسىناۋ قاسيەتتى بورىشتارىڭىزدى ابىرويمەن اتقارىڭىزدار!» ، - دەدى ن. نازاربايەۆ.
اۆتور: قانات مامەتقازى ۇلى
