قازاقستان اسكەرى ۇلان- عايىر دالامىزدى قاپىسىز قورعاۋعا قابىلەتتى - ن. نازاربايەۆ
پارادتى قابىلداۋ بارىسىندا ءسوز سويلەگەن ەلباسى ەڭ الدىمەن بارشا جۇرتشىلىقتى قازاقستان رەسپۋبليكاسىنىڭ وتان قورعاۋشىلار كۇنىمەن قۇتتىقتادى. «قىمباتتى وتانداستار! قۇرمەتتى ساردارلار مەن ساربازدار! وتان قورعاۋشىلار كۇنى جانە ۇلى وتان سوعىسىنىڭ 70 -جىلدىعى بارشامىزعا قۇتتى بولسىن!» ، دەدى ن. نازاربايەۆ. سونىمەن قاتار، مەملەكەت باسشىسى وسىدان 23 جىل بۇرىن ءدال وسى كۇنى قازاقستاننىڭ قارۋلى كۇشتەرى قۇرىلعاننىن، بۇگىندە ول كاسىبي ساربازدار مەن زاماناۋي جاراقتاردان تۇراتىن ايبىندى ارمياعا اينالعانىن جەتكىزدى.
«ءبىزدىڭ اسكەرىمىز ۇلان- عايىر دالامىزدىڭ ءاربىر قادام جەرىن قاپىسىز قورعاۋعا قابىلەتتى. ءبىز بابالارىمىزدىڭ ەرلىك جولىن قاستەرلەپ، ەلدىك جولىن جاقتاعان ۇرپاقپىز. قانىمىزعا سىڭگەن قاستەرلى بورىشتى انتىنا ادال ەرلەرىمىز قازىر دە ابىرويمەن اتقارۋدا. ەر ازامات ءۇشىن تۋعان جەردىڭ تۇتاستىعىن، تۋعان ەلدىڭ تىنىشتىعىن كۇزەتۋدەن اسقان ابىروي بولماسا كەرەك! سىزدەردىڭ قىزمەتتەرىڭىز ەل تاۋەلسىزدىگىنىڭ جانە حالقىمىزدىڭ بولاشاقق سەنىمىنىڭ كەپىلى» ، دەدى ق ر قارۋلى كۇشتەرىنىڭ جوعارعى باس قولباسشىسى.
اۆتور: قانات مامەتقازى ۇلى
