ايبىندى قارۋلى كۇشتەر: استانادا اسكەري شەرۋ باستالدى - كەسكىن
وراسان زور اسكەري پارادتىڭ تىكەلەي كورسەتىلىمىن قازاقستاندىقتار رەسپۋبليكالىق تەلەارنالاردىڭ تىكەلەي ەفيرىنەن، سونداي-اق بارلىق الاڭداردا ورناتىلعان LED- ەكراندار ارقىلى كورە الادى.
شەرۋگە 4747 ادام، 227 اسكەري تەحنيكا، 70 اسكەري اۋە تەحنيكاسى جانە 24 شەرۋ توبى قاتىسادى.
اسكەري شەرۋ 3 بولىمنەن تۇرادى: جاياۋ شەرۋ توپتارىنىڭ ءوتۋى، مەحانيكالاندىرىلعان كولوننانىڭ ءوتۋى جانە اۋە شەرۋى.
24 شەرۋ توبىنىڭ 19 ى ق ر ق ك- نەن، ونىڭ ىشىندە سوعىس ۋاقىتىنىڭ اسكەري فورماسىن كيگەن جانە قارۋىن اسىنعان (پپش اۆتوماتتارى، موسين ۆينتوۆكالارى، رپد جانە «ماكسيم» پۋلەمەتتەرى) 3 جاياۋ شەرۋ توبى بولادى. سونداي- اق، ۇلتتىق گۆارديادان - 2, توتەنشە جاعدايلار كوميتەتىنەن - 1, ۇلتتىق قاۋىپسىزدىك كوميتەتى شەكارا قىزمەتىنەن - 1, مەملەكەتتىك كۇزەت قىزمەتىنەن 1 توپ قاتىسادى.
جەكە قۇرامداعى 4747 ادامنىڭ 3684 ءى ق ر قارۋلى كۇشتەرىنەن، 455 ءى ۇلتتىق گۆارديادان، 173 ءى توتەنشە جاعدايلار كوميتەتىنەن، 231 ءى ۇلتتىق قاۋىپسىزدىك كوميتەتى شەكارا قىزمەتىنەن، 204 ءى مەملەكەتتىك كۇزەت قىزمەتىنەن بولماق.
شاراعا قاتىساتىن جالپى اسكەري تەحنيكا سانى 227 بىرلىك. ق ر قارۋلى كۇشتەرىنەن - 188 بىرلىك تەحنيكا شىعادى، ونىڭ ىشىندە ت-34 تانكتەرى، زيل-157 اۆتوكولىكتەرى، زيس-2, م-30, رس30 «كاتيۋشا» قارۋلارى بار. سونداي- اق، ۇلتتىق گۆارديادان 19, ۇلتتىق قاۋىپسىزدىك كوميتەتى شەكارا قىزمەتىنەن 13, مەملەكەتتىك كۇزەت قىزمەتىنەن 7 بىرلىك تەحنيكا قاتىسادى.
سونداي- اق، ق ر قارۋلى كۇشتەرىنەن 59 بىرلىك، ۇلتتىق قاۋىپسىزدىك كوميتەتى شەكارا قىزمەتىنەن 6 بىرلىك، توتەنشە جاعدايلار كوميتەتىنەن 5 بىرلىك، جالپى سانى 70 اۋە تەحنيكاسى قاتىسادى.
