قازاقستاندا وتان قورعاۋشى كۇنى اتاپ وتىلەدى

استانا. قازاقپارات - قازاقستاندا بۇگىن وتان قورعاۋشى كۇنى اتاپ وتىلەدى، ونىڭ اۋقىمىندا اسكەري پاراد وتكىزىلەدى.

استاناداعى «قازاق ەلى» الاڭىندا وتەتىن اسكەري پارادقا ق ر پرەزيدەنتى - قارۋلى كۇشتەردىڭ جوعارعى باس قولباسشىسى نۇرسۇلتان نازاربايەۆ قاتىسادى.

تاۋەلسىز قازاقستان تاريحىندا بۇل پاراد ەڭ اۋقىمدى جانە وراسان زور بولماق. وعان قازاقستان رەسپۋبليكاسى قارۋلى كۇشتەرىنىڭ بارلىق تۇرلەرىنىڭ بەس مىڭعا تارتا اسكەري قىزمەتشىلەرى، باسقا دا اسكەرلەر مەن اسكەري قۇرىلىمدار، سونداي-اق ەكى ءجۇز بىرلىك قارۋ-جاراق جانە اسكەري تەحنيكا، اسكەري اۆياتسيانىڭ 70 تىكۇشاعى مەن ۇشاقتارى قاتىستىرىلادى.

وتان قورعاۋشى كۇنى مەن ۇلى وتان سوعىسىنداعى جەڭىستىڭ 70 جىلدىعىنا ارنالعان ەلىمىزدىڭ «قازاق ەلى» باستى الاڭىنداعى وراسان زور اسكەري پارادتىڭ تىكەلەي كورسەتىلىمىن قازاقستاندىقتار رەسپۋبليكالىق تەلەارنالاردىڭ تىكەلەي ەفيرىنەن، سونداي-اق بارلىق الاڭداردا ورناتىلعان LED- ەكراندار ارقىلى كورە الادى.

ەسكە سالا كەتەيىك، 2012-جىلعى قازاندا مەملەكەت باسشىسى ن. نازاربايەۆ 7- مامىردا مەرەكەلەنەتىن جاڭا مەملەكەتتىك مەرەكەنى - وتان قورعاۋشى كۇنىن بەلگىلەگەن «ق ر- داعى مەرەكەلەر تۋرالى» ق ر زاڭىنا تولىقتىرۋلار ەنگىزۋ تۋرالى» زاڭعا قول قويدى.