بۇزاقى جىگىتتەر قىزدارعا نەسىمەن ۇنايدى؟
سول سەكىلدى جاستار اراسىندا قىزداردىڭ ءجۇرىس- تۇرىسى دۇرىس جىگىتتەردەن گورى بۇزاقى جىگىتتەرگە كوڭىلى بۇرىپ تۇراتىنى بەلگىلى. نەگە؟ ەندەشە، وسىنىڭ سەبەبىن بىرگە انىقتاپ كورەيىك.
مۇنداي قىزداردىڭ ويىنشا بۇزاقى جىگىتتەر سۇيكىمدى بولىپ كەلەدى. ال ەندى ويلانىپ كورەلىك، ولار نەسىمەن سۇيكىمدى؟
بۇزاقى جىگىتتەر ءوز ورتاسىندا «ابىرويلى» ەكەنى راس. ولاردىڭ ارالارىنداعى ابىروي مەن تۋرا ماعىناسىندا ابىرويدىڭ جولى ەكى بولەك. قىزدارعا ابىرويى اساقاقتاپ تۇرعان ەر ازاماتتار ۇنايتىنى جاسىرىن ەمەس. ابىرويى بولسا، بولعانى... «جەر ورتەپ اتىن شىعارعان» بولسا دا، «كىمسىڭ؟ » دەگەندە اتى شۋلى بولىپ تۇرسا، ولار ءۇشىن بۇل دا ماڭىزدى.
بۇزاقى جىگىتتەر ەرەكشە مىنەزگە يە. ولار ۇياڭ ەمەس، ولار ءىش پىستىرمايدى. قىزداردىڭ كوپ بولىگى ۇندەمەي قالعان مومىن جىگىتتەرمەن جاراسىپ كەتە المايدى. ويتكەنى ولار قىزدىڭ كوڭىلىن كوتەرە الماي، جالىقتىرا باستايدى. ال بۇزاقى جىگىتتەردە كوبىنە ارۋلاردىڭ كوڭىلىنە جاعاتىن قىزبا مىنەز بار. ونىڭ ۇستىنە بۇزاقى جىگىتتەر تاۋەكەلشىل، تالاپشىل كەلەدى. جىگىتتەردىڭ بويىنداعى مۇنداي قاسيەتپەن دە قىزدىڭ جۇرەگىنە جول تابۋعا بولادى.
ءبىرقاتار قىزدار قاۋىمى بۇزاقى جىگىتتەردى جاقسى قورعان بولا الادى دەپ ويلايدى. سوندىقتان قىزداردىڭ كوبى مۇنداي جىگىتتەردى قورعانۋ ماقساتىندا تاڭداپ جاتادى. ولار ءوز قاراماعىنداعى قىزعا بوتەننىڭ كوزىن تۇسىرمەي قورعايدى. قىزداردىڭ ويىنشا، بۇزاقى جىگىتتەرمەن دوس بولساڭ، ساعان ەشقاشان قاۋىپ تونبەيدى.
مۇنداي جىگىتتەردى ۇناتاتىن قىزداردىڭ ويىنشا، بۇزاقى جىگىتتەر ۋادەسىنە بەرىك كەلەدى. ولار وزدەرىن وسىنداي جىگىتتەردىڭ قاسىندا جايلى سەزىنەدى.
بۇزاقى جانە اتى شۋلى جىگىتپەن قارىم- قاتىناس ورناتىپ جۇرگەنىن ايتىپ، قۇربىلارىنىڭ ءىشىن كۇيدىرەتىن دە ارۋلار بار. ولار ءۇشىن دە بۇل - «ابىروي» ، شاماسى...
massaget.kz
