پرەزيدەنت مەملەكەتتىك باعدارلامالار سانىن قىسقارتۋدى جۇكتەدى

استانا. قازاقپارات - بۇگىن اقوردادا ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ مەملەكەتتىك باعدارلامالار سانىن قىسقارتۋدى جۇكتەدى.

«مەملەكەتتىك باعدارلامالاردىڭ سانىن قىسقارتۋ قاجەت، ال سالالىق باعدارلامالاردى مۇلدەم الىپ تاستاۋ كەرەك. سالالىق باعدارلامالاردىڭ ماڭىزدى تۇستارىن ستراتەگيالىق جوسپارلارعا قوسۋ ۇسىنىلادى»، - دەدى مەملەكەت باسشىسى.

پرەزيدەنت مەملەكەتتىك ورگاندار مەن اكىمدىكتەر جانىنداعى قوعامدىق كەڭەستەر ءرولىن كۇشەيتۋ كەرەكتىگىن اتاپ ءوتتى.

«بۇل كەڭەستەر ستراتەگيالىق جوسپارلار مەن باعدارلامالاردى تالقىلاۋ مەن ورىنداۋعا، وڭىرلەردى دامىتۋعا مىندەتتى تۇردە قاتىسادى. ءتىپتى جەرگىلىكتى جەرلەردە بيۋدجەتتەردى قۇرۋ كەزىندە دە اتسالىسادى»، - دەدى ن. نازاربايەۆ.

اۆتور: رۋسلان عابباسوۆ