22:13, 05 - مامىر 2015 | GMT +5
ەلباسى مەن چەحيا پرەزيدەنتى ەكىجاقتى قارىم-قاتىناستى دامىتۋدىڭ پەرسپەكتيۆالارىن تالقىلادى
استانا. قازاقپارات - مەملەكەت باسشىسى تەلەفون ارقىلى چەحيا رەسپۋبليكاسىنىڭ پرەزيدەنتى ميلوش زەمانمەن سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
م. زەمان نۇرسۇلتان نازاربايەۆتى پرەزيدەنت سايلاۋىنداعى ايقىن جەڭىسىمەن قۇتتىقتاپ، قازاقستان كىرىسىپ جاتقان اۋقىمدى رەفورمالاردى جۇزەگە اسىرۋ ىسىندە تابىس تىلەدى.
ەكى مەملەكەتتىڭ كوشباسشىلارى چەحيا پرەزيدەنتىنىڭ ەلىمىزگە 2014-جىلعى قاراشادا جاساعان ساپارىنىڭ قورىتىندىسىن ەسكەرە وتىرىپ، ەكىجاقتى قارىم-قاتىناستى دامىتۋدىڭ پەرسپەكتيۆالارىن تالقىلادى.
اڭگىمەلەسۋگە چەحيالىق تاراپ باستاماشىلىق ەتتى.
