الماتىدا گونكونگ پەن دۋبايداعى سەكىلدى تورەلىك سوت ورتالىعى قۇرىلۋى ءتيىس - ەلباسى

استانا. قازاقپارات - الماتىدا گونكونگ پەن دۋبايداعى سەكىلدى تورەلىك (اربيتراجدى) سوت ورتالىعى قۇرىلۋى ءتيىس.

بۇگىن اقوردادا قايتا جاساقتالعان ۇكىمەتتىڭ العاشقى كەڭەيتىلگەن وتىرىسىندا ق ر پرەزيدەنتى نۇرسۇلتان نازاربايەۆ وسىلاي مالىمدەدى.

«تورەلىك سوت ورتالىعىن باسقارۋدى ۇكىمەت ىرىكتەگەن ارنايى مامانداندىرىلعان ۇيىم جۇزەگە اسىراتىن بولادى. بۇدان بولەك، ق ر جوعارعى سوتى جانىنان حالىقارالىق كەڭەس قۇرىلۋى كەرەك. سوتقا دەيىنگى ىستەردى حالىقارالىق ستاندارتتارعا ساي قارايتىن بۇل كەڭەسكە بەدەلدى شەتەلدىك سۋديالار مەن زاڭگەرلەر تارتىلۋى ءتيىس. سونىمەن قاتار، كەڭەس جوعارعى سوتقا قازاقستاندىق ءادىل سوت جۇيەسىن جەتىلدىرۋ بويىنشا كونسۋلتاتسيالار بەرەدى»، - دەدى ن. نازاربايەۆ.

بۇدان بولەك، ەلباسى ازاماتتىق-قۇقىقتىق داۋلار بويىنشا سوتتاردا پروكۋرورلاردىڭ قاتىسۋىن ازايتۋ ماسەلەسىن دە كوتەردى.

اۆتور: قانات مامەتقازى ۇلى